صلاح الدین بی بی سی اردو ڈاٹ کام، دلی

	ماؤ نواز باغی بھارت کی آٹھ ریاستوں میں سرگرم ہیں(فائل فوٹو)

باغیوں نے نیشنل منرل ڈیویلپمنٹ کارپوریشن کی ایک عمارت پر حملہ کیا تھا اورانہوں پولیس کے اسلحے گولہ بارود بھی لوٹ لیا ہے۔

ایک سینئر پولیس افسر ایم ڈبلیو انصاری نے بتایا کہ ماؤ نواز باغیوں کی ایک بڑی تعداد نے ہرولی کے مقام پر ایک سٹور پر حملہ کیا اور وہاں پر تعینات سینٹرل انڈسٹرل سیکیورٹی فورس [ سی آئی ایس ایف ] کے جوانوں پر اندھ دھند گولیاں چلائیں۔

مسٹر انصاری کے مطابق حملہ آوروں نے بجلی اور مواصلا تی نظام پہلے ہی دھماکے سے اڑا دیا تھا جسکے سبب پورے علاقے میں اندھیرا تھا اور تمام رابطے منقطع ہوگئے تھے۔

پولیس کے بیانات کے مطابق ماؤنواز باغیوں اور سیکیورٹی فورسز میں کئی گھنٹوں تک مقابلہ آرائی ہوئی جس میں آٹھ اہل کار ہلاک اور نو شدید طور پر زخمی ہوگئے ہیں۔

بعد میں باغیوں نے سی آئی ایس ایف کے نوجوانوں کے ہتھیار اورگولہ بارود لوٹ کر گھنے جنگلوں میں فرار ہوگئے۔ ابھی تک یہ پتہ نہیں چلا ہے کہ باغیوں میں کوئی ہلاک ہوا یا نہیں۔

ریاست چھتیس گڑھ کے وزیر داخلہ رام وچار نیتم کا کہنا ہے کہ ماؤ نواز علاقے میں اپنی موجودگی کا احساس دلانے کے لیے سخت سیکیورٹی والے علاقوں میں حملہ کر رہے ہیں۔ انکی کوشش ہے کہ وہ آس پاس کے گاؤں والوں میں خوف وحراس بھی پیدا کریں جو اب انکی کھل کو مخالفت کر رہے ہیں۔

چھتیس گڑھ کا شمار ان ریاستوں میں ہوتا ہے جس کے بعض ضلعوں میں ماؤ نواز بڑی تعداد میں سرگرم ہیں۔اس ہفتے کی شروعات میں اسی طرح کے ایک حملے میں تین پولیس اہل کار ہلاک ہوئے تھے۔