اداکار رجنی کانت

رجنی کانت کا یہ بیان اس حوالے سے خاصی سیاسی اہمیت کا حامل ہے کہ تامل ناڈو میں لوگوں کی بہت بڑی تعداد اداکار کی مداح ہے۔

انہوں نے اپنے مداحوں کو واضح طور پر یہ تو نہیں کہا کہ وہ انتخابات میں بی جے پی کو ووٹ دیں البتہ انہوں نے ’پی ایم کے‘ کی جانب سے مداحوں پر کئے جانے والے تشدد پر سخت تنقید کی۔

انہوں نے کہا کہ وہ خود تو بی جے پی کو ہی ووٹ دیں گے تاہم اپنے مداحوں سے اپیل کرتے ہوئے کہا کہ وہ اپنے ضمیر کی آواز پر ووٹ دینے کا فیصلہ کریں۔

رجنی کانت کے مداح تامل ناڈو میں حزب اختلاف کی حلیف جماعت ’پی ایم کے‘ سے برسرِپیکار رہے ہیں۔

’پی ایم کے‘ کے ایک سینیئر رہنما نے رجنی کانت پر نوجوانوں کو گمراہ کرنے کا الزام لگایا اور پارٹی ورکرز کو کہا کہ وہ رجنی کانت کے پرستاروں میں شامل نہ ہوں۔

اس بات پر اداکار کے مداح سخت مشتعل ہو گئے اور اعلان کیا کہ وہ ’پی ایم کے‘ کے امیدواروں کی مخالفت کریں گے۔

رجنی کانت نے انیس سو چھیانوے کے انتخابات میں کہا تھا کہ اگر جئےللیتا کی پارٹی ’اے آئی اے ڈی ایم کے‘ اقتدار میں آتی ہے تو پھر خدا کو ہندوستان کو نہیں بچا سکتا۔

حزب اختلاف نے اپنی انتخابی مہم میں رجنی کانت کے اس بیان کو بارہا استعمال کیا اور کہا جاتا ہے کہ ’اے آئی اے ڈی ایم کے‘ کی ناکامی کی ایک وجہ یہ بیان بھی تھا۔