سپائڈر مین دورِ حاضر کا مقبول سپر ہیرو ہے۔

مشاہدے کی مدد سے یہ بات سامنے آئی ہے کہ مکڑیوں اور چھپکلیوں کی قدرتی تکنیک جس کی مدد سے وہ عمارتوں اور چھتوں پرچڑھتی ہیں، اب انسانوں کو بھی اُسی طرح لٹکنے اور اُلٹا جھولنے میں مدد دے سکتی ہے۔ یہ تحقیق طبیعات کے ایک جریدے ’کنڈینسڈ میٹر‘ میں شائع ہوئی ہے۔

مکڑیاں اور چھپکلیاں دونوں اپنے چھوٹے بالوں کی مدد سے کسی بھی جگہ آسانی سے چپک جاتی ہیں۔ مزید مشاہدے سے یہ بات بھی سامنے آئی کہ چھپکلیاں اپنے وزن سے سو گنا زائد تک وزن اٹھانے کی صلاحیت رکھتی ہیں۔

سال دو ہزار دو کی امریکی تحقیق میں اس بات کا انکشاف کیا گیا تھا کہ چھپکلیوں کے اندرونی خلیوں کی کمزوری ہی ان کے چپکنے کے عمل میں مددگار ثابت ہوتی ہے۔ یہ خلیے ان کے پاؤں کے نچلے حصے میں مختلف سائز اور کروڑوں بالوں کی مدد سے درجہ بہ درجہ ترتیب پاتے ہیں اور ان کے مجموعی عمل سے یہ دیواروں اور شیشوں پر دوڑتی بھاگتی نظر آتی ہیں۔

	سپائڈر مین کے چپکنے کی صلاحیت کا خیال چھپکلیوں سے لیا گیا۔

ان کا کہنا ہے ’اگر ہم کسی بھی طرح سے اس سوٹ کو مزید دیرپا بنا سکیں تو ممکنہ طور پر ہم اِیسے چھپکلی کی طرح سے چپکدار بھی بناسکیں گے‘۔

ٹورن میں مقیم ماہرین کا کہنا ہے کہ وہ چھپکلی کے بالوں کی جگہ ’ کاربن نینوٹوب‘ استعمال کر سکتے ہیں۔ کاربن نینوٹوب کاربن کے بہت چھوٹے سے سلینڈرز ہیں جو بہت ماہین مگر مضبوط ہوتے ہیں۔

پروفیسر نکولا پگنو نے تین مزید خصوصیات کی نشاندہی کرتے ہوئے کہا کہ سپائیڈرمین کے سوٹ میں پہلے توبہت مضبوطی سے چپکنے کی طاقت ہونی چاہے، دوسرے چپکنے کے بعد جگہ کو چھوڑنے کی طاقت بھی رکھتا ہو اور تیسرے یہ کہ وہ سوٹ کسی حد تک خود کوصاف کرنے کی صلاحیت رکھتا ہو۔