شلپا بگ برادر شو میں شامل ہو رہی ہیں

شلپا شیٹی ان گیارہ سلیبریٹیز میں شامل ہیں جو ’بگ برادر‘
شو میں حصہ لے رہے ہیں۔

اس شو میں منگل کو تب ماحول ناسازگار ہو گیا جب دیگر عورتوں نے شلپا کے متعلق شکایت کی۔

سابق مس برطانیہ ڈینیل لوائڈ ان خواتین میں شامل ہیں جنہیں شلپا سے شکایتیں ہیں۔ انہوں نے کہا :’ وہ ہیکڑی باز ہے اور دوسروں پر حکم چلانا چاہتی ہے۔میں یہ چیزی بالکل پسند نہیں کرتی۔‘

دوسری خواتین کو بھی شلپا سے ایسی ہی شکایتیں تھیں۔ان میں سے ایک نے کہا وہ کافی’ بناوٹی‘ ہے۔ جب کہ ایک عورت نے کہا کہ شلپا کے ساتھ یہ زیادتی ہے اور اسے الگ تھلگ کرنے کی کوشش کی جا رہی ہے۔

صحافی کیرول مانولے نے کہا:’ میری سمجھ سے شلپا کے پیچھے خواہ مخواہ کچھ لوگ پڑے ہیں۔ یہ ایک افسوس ناک بات ہے۔ اس نے ایسا کچھ بھی نہیں کیا جس کے سبب اس کے خلاف مورچہ بندی کی ضرورت ہے۔

ڈیرک بینڈکٹ نے کہا: ’حالانکہ میں اس کے نام کاتلفظ صحیح طرح سے نہیں کر پا تا اس کے باوجود میں اس کے ساتھ فلرٹ کرتا رہا لیکن مجھے اب یہ سب روکنا پڑے گا۔‘

انہوں نے کہا: ’میں خود کو اس کے قریب نہیں پا رہا ہوں۔‘