شلپا شیٹی بگ برادر کے شو میں ایک نئے کردار میں دکھائی دیں گی

اس پروگرام کے ایک episode میں شلپا شیٹی رات کے کھانے پرمدعو ہیں جہاں وہ اپنے ساتھی کے ساتھ فلرٹ کرتی دکھیں گی۔ فی الوقت شلپا کی شادی کے متعلق قیاس آرائیاں ہورہی ہیں۔ اس شو میں انہیں اپنے من پسند اداکار کے ساتھ رومانوی شام گزارنی ہوگي۔

برطانوی اخبارات میں شائع خبروں کے مطابق تین جنوری سے اس کی شوٹنگ شروع ہوگی۔ اطلاعات ہیں کہ اس شو میں شلپا کے علاوہ برطانیہ کی سابق حسینہ مس ڈینئل لائیڈ بھی حصہ لیں گی۔ان سبھی کو اپنے من پسند اداکار کو منتخب کرنا ہوگا۔

	شلپا بی بی سی کے ساتھ ایڈز کے خلاف مہم میں بھی حصہ لیتی رہی ہیں

اس کے لیے کینڈل لائٹ ڈنر کا انتظام کیا جائیگا اور اس کے تمام جوڑے فلم کی نامی گرامی ہستیاں ہوں گی۔

پاپ بینڈ ’سٹیپ‘ کے ایان واٹکنز، ڈینی ٹارٹی اور فٹبال کھلاڑی ٹیڈی شرینگم بھی اس میں حصہ لیں گے۔ اطلاعات ہیں کہ جولی گڈ ائیر، ڈرک بنیڈکٹ اور پال مائیکل گلیزر جیسے اداکار بھی اس میں شرکت کرنے والے ہیں۔

بھارت میں اخبارت نے لکھا ہے کہ شلپا شیٹی کو اس کے متعلق بات چیت کرنے منع کیا گیا ہے۔ اطلاعات کے مطابق انہیں اس کے لیے تقریبا چھ لاکھ اسی ہزار ڈالر ادا کئےجائیں گے۔

’بگ برادر‘ میں کسی بھارتی اداکارہ کی یہ پہلی بار شمولیت ہے۔ امکان ہے کہ شلپا کے اس میں آنے سے ایشیائی براداری میں یہ شواور مقبولیت حاصل کریگا۔