ریحانہ بستی والا بی بی سی اردو ڈاٹ کام ، ممبئی

	این این سپی کی کامیاب فلموں کی فہرست کافی لمبی ہے

این این سپی کو بالی وڈ کا لیجنڈ کہا جا تا ہے۔ انہوں نے کئی کامیاب فلمیں بنائیں۔ان کے ساتھ ایسے کئی ہدایت کاروں نے کام کیا جو آج بھارتی فلم انڈسٹری کے کامیاب فلمساز بن چکے ہیں۔ان میں سبھاش گھئی کا نام قابل ذکر ہے۔

این این سپی تقسیم ہند سے قبل صوبہ سندھ کے رہنے والے تھے۔ تقسیم کے بعد سپی ممبئی آ گئے اور انہوں نے یہاں کالج کی تعلیم مکمل کی۔ فلمسازی کا کام انہوں نے 1959سے شروع کردیا تھا۔

انہوں نےاس دورمیں کامیاب فلمسازوں کے ساتھ کام کیا ان میں اس دور کے فلمساز گرودت کا نام سر فہرست ہے۔

این این سپی تقسیم ہند سے قبل صوبہ سندھ کے رہنے والے تھے۔ تقسیم کے بعد سپی ممبئی آ گئے اور انہوں نے یہاں کالج کی تعلیم مکمل کی۔

این این سپی کی پہلی فلم ’ قاتل ‘ تھی جس کے ہیرو پریم ناتھ تھے۔ سپی کو ایکشن اور سسپنس سے بھر پور فلمیں بنانے کا شوق تھا اور یہی وجہ ہے کہ انہوں نےایسی کئی فلمیں بنائیں اور وہ کامیاب بھی ہوئیں۔

ان کی کامیاب فلموں کی فہرست طویل ہے جس میں ’کالی چرن‘ ،’ فقیرا‘، ’سرگم‘ ، ’میری جنگ‘ ، ’وہ کون تھی‘ ، ’شطرنج‘ ، ’چور مچائے شور‘ ، ’دیوتا‘ وغیرہ شامل ہیں۔

حالیہ برس ں میں این این سپی اپنی بیماری کی وجہ سے فلم انڈسٹری سے دور ہو گئے تھے۔انہوں نےانیس سو ننانوے میں آخری فلم’سلسلہ ہے پیار کا‘ بنائی تھی جو کامیاب نہیں ہوئی۔