ریحانہ بستی والا بی بی سی اردو ڈاٹ کام ، ممبئی

	سابق ایڈیشنل انسپکٹر جنرل آف پولیس آفتاب احمد خان ’شوٹ آؤٹ ایٹ لوکھنڈوالا‘ میں اداکاری کریں گے

بالی وڈ کی فلمیں اگر اکثر ہالی وڈ کا چربہ رہی ہیں تو کچھ ایسے بھی فلمساز ہیں جنہوں نے حقیقی زندگی میں ہونے والے واقعات سے متاثر ہو کر فلمیں بنانے کا تجربہ کیا ہے۔ فلمسازوں کا انڈرورلڈ پر فلمیں بنانا نیا نہیں ہے بلکہ چند فلمسازوں کے لیے تو یہ ایک دلچسپ موضوع بھی ہے جن میں رام گوپال ورما کا نام لیا جا سکتا ہے لیکن اس کے ساتھ دہشت گردی جیسے موضوع اور وہ بھی حقیقی واقعات کو لے کر فلمیں بنانا ایک نیا طرز ہے۔

ممبئی کا انڈرورلڈ ہمیشہ سے ملک اور غیر ممالک دونوں میں ایک دلچسپ موضوع رہا ہے۔ 1991 کی بات ہے جب مافیا سرغنہ داؤد ابراہیم کا شارپ شوٹر مایا ڈولس اور اس کا ساتھی دلیپ بووا ممبئی کے مشہور لوکھنڈ والا کمپلیکس میں چھپے ہوئے تھے اور اس کی اطلاع انتہائی نڈر حیال کیے جانے والے ڈپٹی کمشنر آف پولیس آفتاب احمد خان کو ملی۔

آفتاب احمد خان اپنی پولیس ٹیم لے کر وہاں پہنچے اور پھر ممبئی پولیس اور انڈرورلڈ کے درمیان چودہ گھنٹوں تک گولیاں چلتی رہیں۔ آخر کار پولیس افسر خان دونوں مفرور ملزموں کو مارگرانے میں کامیاب ہو گئے۔

خود بیتی پرناظم رضوی کی فلم  ناظم رضوی نے انڈر ولرلڈ سے تعلق کے الزام کے تحت تین سال جیل میں گزارے اب وہ ضمانت پر ہیں اور قید اور جیل میں اپنی زندگی پر فلم ’انڈر ٹرائل‘ (زیر سماعت) بنا رہے ہیں۔

لیکن ساتھ ہی دلچسپ بات تو یہ ہے کہ اس فلم میں ان کا رول وہ خود نہیں نبھائیں گے بلکہ یہ رول سنجے دت ادا کریں گے۔

دوسری فلم ابھی ابتدائی مراحل میں ہے لیکن اس فلم میں انسدادِ دہشت گردی اسکواڈ (اے ٹی ایس) کے افسر کے علاوہ ریسرچ اینڈ اینا لیسس ونگ یعنی ’را‘ اور سیکرٹ انٹیلی جنس سروس (ایس آئی ایس) کے افسر بھی ہوں گے۔

فلمساز نیرج پاٹھک اس فلم کے بارے میں یا اس میں کام کرنے والے افسران کے بارے میں زیادہ معلومات دینے سے گریز کر رہے ہیں۔ ان کا کہنا تھا کہ ابھی اس بارے میں بتانا مناسب نہیں ہے۔ البتہ انہوں نے اعتراف کیا کہ ’را‘ کے یہ افسر پنجاب میں دہشت گردی کو ختم کرنے میں اہم رول نبھا چکے ہیں۔

نیرج کی یہ فلم اس لیے بھی اہم ہو گی کہ ان کے مطابق ان کی اس فلم میں بالی وڈ کے دو افسران اور لندن کے ’دہشت گرد اسکواڈ‘ کے بھی ایک افسر شامل ہیں۔

فلم کا موضوع دہشت گردی اور اس سے نمٹنے میں اے ٹی ایس اور دنیا کی مختلف خفیہ ایجنسیوں کی کارکردگی شامل ہے اس میں ایسے کئی واقعات بھی شامل کیے جائیں گے جو رونما ہو چکے ہیں۔ نیرج کی اس فلم کا نام ’اے ٹی ایس‘ ہوگا۔

	سبکدوش ڈائریکٹر جنرل آف پولیس (سی آئی ڈی) ٹی کے چودھری اداکاری کر رہے ہیں

اس فلم کی دو خصوصیات ہیں۔ ایک تو یہ کہ اس فلم کی بارہ دنوں تک شوٹنگ ممبئی کی مضافات میں واقع تھانے جیل میں ہوئی جہاں ناظم قید تھے اور دوسری یہ کہ اس فلم میں سبکدوش ڈائریکٹر جنرل آف پولیس (سی آئی ڈی) ٹی کے چودھری اداکاری کر رہے ہیں۔ اگرچہ ان کا کردار حالانکہ اس فلم میں زیادہ بڑا نہیں ہے۔

ابھی کسی بھی فلم کی شوٹنگ مکمل نہیں ہوئی اور سب تکمیل کے مراحل میں ہیں۔ اگر یہ فلمیں بغیر کسی تنازعہ کے نمائش کے لیے پیش ہونے کے ساتھ کامیاب بھی ہوتی ہیں تو شاید پھر سابق اعلیٰ پولیس افسران کا بالی وڈ فلموں میں کام کرنے کی روایت شروع ہو جائے۔