ریحانہ بستی والا بی بی سی اردو ڈاٹ کام، ممبئی

	سشمیتا نے40 لاکھ رپے کی غیرملکی کار کی قیمت صرف 20لاکھ بتائی تھی

ممبئی ہائی کورٹ کی ڈویژن بینچ سشمیتا کی عرضی پر سماعت کر رہی تھی جس میں سشمیتا نےگزراش کی تھی کہ ان پر عائد ڈیوٹی واپس لی جائے لیکن عدالت نے سشمیتا کی اس عرضی کو خارج کر دیا اور انہیں ڈیوٹی ادا کرنے کا حکم دیا۔

عدالت نے اسی کے ساتھ سشمیتا کو جرمانہ کی رقم کے طور پر فی الحال دس لاکھ روپے بینک میں جمع کرنے کے لیئے بھی کہا ہے کیونکہ ابھی ممبئی میونسپل کارپوریشن (بی ایم سی) نے جرمانہ کی رقم کا تعین نہیں کیا ہے۔

سشمیتا سین نےیہ کار بیرون ملک سےدرآمد کی تھی لیکن ممبئی میونسپل کارپوریشن کے مطابق انہوں نےاس کی ڈیوٹی نہیں دی تھی۔ سشمیتا پر بی ایم سی نےالزام عائد کیا تھا کہ انہوں نےیہ کار جس کی قیمت چالیس لاکھ روپے ہے، کاغذات میں اس کی قیمت صرف بیس لاکھ روپے ہی دکھائی ہے اوراس کےعلاوہ چونگی ائے نہیں دیا ہے جوممبئی میونسپل کارپوریشن اپنی حد میں آنے والے ہر سامان پر وصول کرتی ہے۔

سشمیتانے پہلے بی ایم سی کمشنر سے ٹیکس ادا نہ کرنے کی درخواست کی تھی لیکن جب انہوں نے اسے قبول نہیں کیا تو سشمیتا نے عدالت میں اپیل کی۔

بالی ووڈ ستاروں میں لینڈ کروزر کار بہت مقبول ہے اور اس سے پہلے بھی سلمان خان اور سیف علی خان اس طرح کی مشکلات کا سامنا کر چکے ہیں۔