ریحانہ بستی والا بی بی سی اردو ڈاٹ کام ، ممبئی

	سشمیتا عمران کی بہت بڑی پرستار ہیں

سشمیتا کی اس پینٹنگ کا نام ’عبادت‘ ہے۔ سشمیتا کو خوشی ہے کہ ان کا فن ایک نیک مقصد کے لیئے کام آرہا ہے۔ سشمیتا حال ہی میں دبئی گئی تھیں جہاں انہوں نے عمران کے ہسپتال کے لیئے فنڈ بھی اکٹھا کیا۔

انتہائی پرکشش سشمیتا اگرچہ اپنی زندگی میں بہت کامیاب فلمیں نہ دے سکی ہوں لیکن اداکاری کے علاوہ ان کے اندر ایک اور فنکار چھپا ہے اس کی خبر بہت کم لوگوں کو ہے۔

سشمیتا عمران خان کی دلدادہ ہیں وہ خان سے اتنی متاثر ہیں کہ جب بھی آپ سشمیتا سے ان کی باتیں چھیڑیں وہ عمران کی تعریفوں کے پل باندھ دیتی ہیں۔

سشمیتا عمران خان کی دلدادہ ہیں وہ خان سے اتنی متاثر ہیں کہ جب بھی آپ سشمیتا سے ان کی باتیں چھیڑیں وہ عمران کی تعریفوں کے پل باندھ دیتی ہیں۔

ان کی نظر میں عمران ایک کرشمائی شخصیت کے مالک ہیں جو کوئی ان سے ملتا ہے پہلی ہی ملاقات میں ان کا گرویدہ ہو جاتا ہے اور یہی وجہ ہے کہ وہ جب بھی عمران سے ملتی ہیں تو زیادہ تر وقت ان کے ساتھ بتانا چاہتی ہیں۔ اب وہ ایک دوسرے کے اچھے دوست بن گئے ہیں۔

سشمیتا عمران خان کے ہسپتال کی مدد کرنے کے لیئے پاکستان بھی جانے والی ہیں جہاں وہ ایک شو کریں گی تاکہ خطیر رقم جمع ہو سکے۔ بتایا جاتا ہے کہ عمران خان پاکستان میں ایک اور نیا ہسپتال شروع کرنے والے ہیں۔ سشمیتا نے بتایا کہ ابھی تاریخ متعین نہیں ہو سکی ہے کیونکہ اس وقت وہ بہت مصروف ہیں۔

سشمیتا اس وقت اپنی آنے والی فلم ’ زندگی راکس‘ کی تشہیر میں مصروف ہیں اس کے علاوہ وہ اپنے آبائی وطن کلکتہ میں ایک ریستوراں اور ممبئی میں ایک ’ سپا‘ کھولنے کی تیاریوں میں ہیں۔