وز کرداروں کے مشہور میلے کچیلے موٹے کردار

وز ’ میلے کچیلے موٹے‘ اور غیر منظم کرداروں پہ کارٹون بنانے کے لیے مشہور ہے۔ اب وہ شیکسپئیر کے عامیانہ مزاحیہ کرداروں کے لیے کارٹون نما تصویریں بنائیں گے۔

آر ایس سی اس باہمی کوشش کو اپنے مزاحیہ دور کی ’کشادگی‘ قرار دے رہی ہے۔ وز کارٹونسٹز نے آر ایس سی کمپنی کے کچھ عملے کے بھی کارٹون بنائے ہیں۔

آر ایس سی کی نمائندہ خاتون نے کہا کہ شیکسپئیر کے عامیانہ کردار وز کے کارٹونوں سے ملتے ہیں۔ شاید وہ اپنے زمانے کے وز کردار تھے۔

شیکسپئیر ملکئہ الزبتھ اول کے دور کے ڈرامہ نگار تھے۔ ان کے مزاحیہ ڈرامے مثلاً ’ایز یو لائک اِٹ‘ اور ’لوز لیبرز لاسٹ‘ عامیانہ کرداروں سے بھرے پڑے ہیں۔ بارڈ نے ان ڈراموں کو فحش جملوں اور جنسی حوالوں سے آراستہ کیا ہے۔

وز کارٹونوں کے نمائندہ سائمن تھاوپ نے کہا کے وہ شیکسپئیر کے بارے میں کچھ نہیں جانتے ہیں۔ انھوں نے فزکس اور انکے ساتھی گراہم ڈیوری نے باٹنی پڑھ رکھی ہے۔لیکن وہ جانتے ہیں کہ شیکسپئیر کے مزاحیہ کردار باسی ہو چکے ہیں اور وز کے کارٹونوں کا بھی یہی حال ہے۔ اس لیے اچھا ہو گا کہ دونوں کو ملا کر کچھ نئی چیز بنائی جائے۔

آر ایس سی شیکسپئیر کے مزاحیہ ڈراموں کو سٹریڈفورڈ اپان ایوان میں اکتوبر تک چلائے گی۔ اس کے بعد سولہ ہفتوں کے لیے ان ڈراموں کو لندن میں چلایا جائے گا۔