انہوں نے یہ خبر اپنی ویب سائٹ پر بتائی۔ تاہم انہوں نے اس کے متعلق زیادہ کچھ نہیں بتایا کہ وہ ہسپتال میں داخل رہی ہیں۔

برٹنی سپیئرز اور ان کے شوہر کیون فیڈرلین نے ویب سائٹ پر مشترکہ طور پر ایک بیان میں کہا کہ ’آخر کار وقت آ گیا ہے کہ ہم زبردست خبر سنائیں کہ ہمارے ہاں پہلا بچہ ہونے والا ہے‘۔

ستمبر سن 2004 میں 23 سالہ سپیئرز اور 27 سالہ ڈانسر فیڈرلین نے شادی کر لی تھی۔

سپییرز نے ویب سائٹ پر بتایا کہ ’ایسی خبریں ہیں کہ میں اختتامِ ہفتہ کو ہسپتال میں داخل تھی۔ کیون اور میں ہر ایک کو صرف یہ بتا دینا چاہتے ہیں کہ سب کچھ ٹھیک ہے‘۔

’آپکی سوچوں اور دعاؤں کا شکریہ‘۔

سپیئرز نے اپنی حالت کے متعلق مزید نہیں بتایا تاہم اس طرح کی خبریں ہیں کہ وہ تین سے چار ماہ کی حاملہ ہیں۔

اگرچہ یہ سپیئرز کا پہلا بچہ ہو گا لیکن فیڈرلین تیسری مرتبہ باپ بننے والے ہیں۔ ان کے اپنی پہلی دوست اداکارہ شار جیکسن سے دو بچے ہیں۔

بک میکرز نے ابھی سے ہی برٹنی کے بچے کے نام پر شرطیں لگانی شروع کر دی ہیں۔ لڑکوں کے ناموں میں ولیم اور ہیری 1۔20 سے پسندیدہ ترین ہیں جبکہ لڑکیوں میں زارا اور گریس کو پسندیدہ ترین کہا جا رہا ہے۔