ہالی وڈ کی مشہور اداکارہ نکول کِڈمین آج کل آسٹریلیا میں ہیں۔

نکول کڈمین کے گھر کے باہر نصب ایک پوشیدہ کیمرے نے ایک شخص کو یہ آلہ سڈنی میں کِڈمین کی گلی میں لگاتے ہوئے رکارڈ کر لیا۔ نکول کڈمین آج کل اپنی نئی فلم ’یوکالیپٹس‘ کی شوٹنگ کے لیے آسٹریلیا میں ہیں۔

پولیس کا کہنا ہے کہ وہ نکول کِڈمین کے گھر کے باہر موجود فوٹوگرافروں سے اس بارے میں بات کرنا چاہتی ہے۔ اسے امید ہے کہ ان میں سے کسی فوٹوگرافر نے آلہ لگانے والے شخص کی فوٹو کھینچی ہوگی۔

پولیس افسرگرانٹ ٹیلر نے کہا کہ انہوں نے اس بارے میں نکول کڈمین کو آگاہ کیا تھا۔ انہوں نے کہا کہ ’نکول کڈمین کو اس آلے کے بارے میں آج بتایا گیا اور ظاہر ہے کہ انہوں نے اس پر تشویش کا اظہار کیا۔‘

دریں اثناء نکول کڈمین نے کینبرا میں منگل کو ہونے والی ’آسٹریلین آف دی ئیر‘ تقریب میں جانے سے انکار کر دیا ہے۔ اداکارہ کی تشہری ایگینٹ ونڈی ڈے نے بتایا کہ فلم ’یوکالیپٹس‘ کی شوٹنگ کی وجہ سے نکول اس تقریب میں شرکت نہیں کر پائیں گی۔