نکول کِڈمین ایک بہترین اور امیر اداکارہ کے طور پر ابھر رہی ہیں

انہوں نے 2003 میں مجموعی طور پر 10.3 ملین پاؤنڈ کمائے۔ اس سال انہوں نے اپنی بہترین اداکاری پر آسکر ایوارڈ بھی حاصل کیا۔

اس سے ایک برس قبل سن 2002 میں ان کی آمدنی 4.8 ملین پاؤنڈ تھی۔

دوسرے نمبر پر آنے والے ہیں رسل کرو جو کہ پیدا تو نیوزی لینڈ میں ہوئے تھے لیکن بچن سے ہی آسٹریلیا میں رہ رہے ہیں۔ ان کی سالانہ آمدنی 8.3 ملین پاؤنڈ رہی۔

جریدے کے مطابق ’ آسٹریلیا کے تفریح مہیا کرنے والے اپنے عروج پر ہیں۔ نکول کِڈمین اور رسل کرو یقینی طور پر دنیا کے سب سے مشہور اداکار ہیں‘۔

جریدے کے مطابق کِڈمین کو آمدنی میں یہ ترقی دی آورز، دی ہیومن سٹین، اور کولڈ ماؤنٹین جیسی فلموں اور ان کے فی فلم 6.2 ملین پاؤنڈ کے معاوضے کی وجہ سے ملی ہے۔

نکول کِڈمین اگرچہ ہوائی میں پیدا ہوئی تھیں لیکن وہ تین سال کی عمر میں ہی آسٹریلیا چلی گئی تھیں اور اب ان کے پاس آسٹریلوی پاسپورٹ ہے۔