2015 میں بالی وڈ کی کامیاب ترین فلمیں
،تصویر کا ذریعہby spice pr
یہ موسم سال بھر کے تجزیے کا ہے اور تفریح کی دنیا میں کامیابیوں اور ناکامیوں کی فہرست تیار کی جا رہی ہے۔ اس سے قبل ہم نے پیش کی تھیں بالی وڈ کی بڑے بجٹ کی چند ناکام فلمیں، اور اب پیش خدمت ہیں چند کامیاب ترین فلمیں۔
کامیاب فلموں کی یہ فہرست ممبئی سے بی بی سی ہندی کے لیے لکھنے والی صحافی مدھو پال نے تیار کی ہے۔
بعض فلمیں بہترین اداکاری اور ہدایت کی وجہ سے کامیاب رہیں تو بعض اپنے سکرپٹ اور کہانی کے ’پلاٹ سے منسلک تنازع‘ کے باعث۔
رواں سال ایک تخمینے کے مطابق 150 سے بھی زیادہ فلمیں ریلیز ہوئیں لیکن کامیابی چند فلموں ہی کے دامن میں آئی۔
،تصویر کا ذریعہeros
رواں سال سلمان خان، امیتابھ بچن، اکشے کمار، ورون دھون اور جنوبی ہند کے سپر سٹار پربھاس کی فلمیں سب سے زیادہ بزنس کرنے میں کامیاب ہوئیں۔ اداکاراؤں میں کنگنا راناوت، کرینہ کپور اور دیپکا پاڈوکون پر قسمت پھر سے مہربان نظر آئی۔
اس سال سب سے زیادہ کمائی کرنے والی دس فلموں میں حال ہی میں ریلیز ہونے والی رنویر سنگھ، دپیکا اور پرینکا چوپڑا کی اداکاری والی فلم ’باجي راؤ مستانی‘ نے گذشتہ پانچ دنوں میں تقریبا 62 کروڑ روپے کمائے۔
،تصویر کا ذریعہred chillies
اسی دن ریلیز ہونے والی شاہ رخ خان اور کاجول کی فلم ’دل والے‘ نے پانچ دنوں میں تقریبا 85 کروڑ روپے کا بزنس کیا اور دونوں ابھی بھی سینیما گھروں میں لوگوں کی کشش کا باعث ہیں۔
باکس آفس انڈیا کے اعداد و شمار کے مطابق اس سال پہلے نمبر پر کبیر خان کی ہدایت میں بننے والی اور سلمان خان کی اداکاری والی فلم ’بجرنگی بھائی جان‘ رہی۔
End of سب سے زیادہ پڑھی جانے والی
اس میں نواز الدین صدیقی، کرینہ کپور اور منی کا کردار ادا کرنے والی بچی ہرشالي ملہوترا تھیں۔ فلم نے تقریباً تین ارب 16 کروڑ 78 لاکھ روپے کمائے۔ فلم نے نہ صرف ہندوستان بلکہ پاکستان میں بھی دھوم مچائی۔
،تصویر کا ذریعہrajshri production
دوسرے نمبر پر بھی سلمان ہی کی فلم ’پریم رتن دھن پايو‘ رہی۔ اس فلم کی خاص بات ہدایت کار سورج بڑجاٹيا کے ساتھ سلمان خان کا پورے 16 سال بعد ایک ساتھ کام کرنا تھا۔ اس فلم نے تقریباً ایک ارب 87 کروڑ 49 لاکھ روپے کا بزنس کیا۔
تیسرے نمبر پر اداکارہ کنگنا راناوت کی فلم ’تنو ویڈز منو‘ کا سیکوئل رہی۔ اس فلم کی لاگت 31 کروڑ روپے تھی لیکن اس نے مجموعی طور پر ایک ارب 51 کروڑ روپے سے زیادہ کا بزنس کیا۔
،تصویر کا ذریعہTanu weds Manu
چوتھے نمبر پر ڈائریکٹر ایس ایس راجامولی کی فلم ’باہوبلی‘ نے پوری دنیا میں کمائی کے بہت سے ریکارڈ بنائے۔
فلم کے ہندی ورژن نے ایک ارب دس کروڑ 94 لاکھ روپے سے زیادہ کا بزنس کیا اور جنوبی فلموں کا نیا ریکارڈ قائم کیا۔
بالی وڈ اداکار ورون دھون اور شردھا کپور کی جوڑی والی فلم ’اے بی سی ڈی 2‘ کے لیے نوجوانوں کے درمیان خاصا کریز نظر آيا۔ اس فلم کی کمائی بھی ایک ارب چار کروڑ روپے سے اوپر رہی اور یہ فلم کامیاب فلموں کے زمرے میں نمبر پانچ پر رہی۔
انیس بزمی کی ہدایت میں بننے والی فلم ’ویلكم بیک‘ نے باکس آفس پر شاندار کارکردگی کا مظاہرہ کر چھٹے نمبر پر رہی۔
جان ابراہم، انیل کپور، نصیر الدین شاہ، نانا پاٹیکر جیسے بڑے سٹارز والی اس فلم نے 93 کروڑ 86 لاکھ روپے سے زیادہ کمائے۔ ’ویلکم بیک‘ سنہ 2007 میں آنے والی فلم ’ویلکم‘ کا سیکوئل تھی۔
اداکار اکشے کمار اور سدھارتھ ملہوترا کی ’برادر‘ نمبر سات پر رہی۔ اس نے امیدوں کے مطابق بزنس تو نہیں کیا تاہم پھر بھی 78 کروڑ روپے بٹورنے میں کامیاب ہو گئی۔
کامیاب فلموں کے زمرے میں ’گبر از بیک‘ آٹھویں نمبر پر رہی۔ اس میں بدعنوانی کے مسئلے کو اٹھایا گیا تھا اور شاید اسی سبب ناقدین کے ساتھ ساتھ ناظرین نے بھی اسے خوب پسند کیا۔ اس نے تقریباً 78 کروڑ روپے کا بزنس کیا۔
نویں نمبر پر اکشے کمار کی فلم ’بے بی‘ رہی جس نے78 کروڑ 76 لاکھ سے زائد کا بزنس کیا۔اس فلم میں انتہا پسندی کے مسئلے کو پیش کیا گیا تھا۔
،تصویر کا ذریعہpr
نمبر دس پر دیپکا پاڈوکون کی مرکزی کردار والی فلم ’پيكو‘ رہی جس نے شائقین کو خوب محظوظ کیا۔
امیتابھ بچن اور عرفان خان کی موجودگی نے فلم کو مزید پرلطف بنا دیا تھا اور لوگوں نے تینوں کردار کو سراہا۔ فلم کی کمائی تقریباً 77 کروڑ روپے رہی۔
