ኤርትራ፡ ኣትሌት ናዝሬት ወልዱ፡ ቀዳማይ ደረጃ ብምሓዝ ተዓዊታ

ኤርትራዊት ኣትሌት ናዝሬት ወልዱ ሎሚ ኣብ ኣብ ደቡብ ኮርያ ኣብ ዝተኻየደ ውድድር ማራቶን ደጉ 2022፡ ቀዳማይ ደረጃ ብምሓዝ ተዓዋቲታ።

ጓል 32 ዓመት ናዝሬት፡ ንውድድራ ብ2 ሰዓት፡ 21 ደቒቕን 25 ካልኢትን ቀዳመይቲ ብምዃን ውድድራ ዛዚማ።

በዚ ሎሚ ዘመዝገበቶ ግዜ ድማ 3 ክብረ ወሰናት ከም ዘመሓየሸት ተገሊጹ።

ናዝሬት ወልዱ በዚ ትማሊ ዘመዝገበቶ ሰዓት ኣቐዲማ ሒዛቶ ዝነበረት ናይ ውልቃ ግዜ: ናይ ኤርትራ ብደቂ ኣንስትዮ ተመዝጊቡ ዝጸንሐ ሰዓት ከምኡ'ውን ቅድሚ ሕጂ ብኬንያዊት ማርጋሬት ኣጋይ ተመዝቡ ዝነበረን ሰዓት ብምምሕያሽ'ያ ክብረ ወሰን ሒዛ።

ኣብቲ ውድድር ኬንያውያን ፓሜላ ሮቺን ጁዲየዝ ጀሪበትን 2ይን 3ይን ተርታ ሒዘን ውድድረን ዛዚመን።