ቻይምፕዮን ቅድድም ብሽክለታ ኤርትራ 2021፡ መርሃዊ ቅዱስን ኣድያም ተስፋለምን ብግዜ ተዓዊቶም

25 ሰነ 2021

ሎሚ ኣብ ዝጀመረ ቻይምፕዮን ቅድድም ብሽክለታ ኤርትራ፡ ኣብ ናይ ግዜ ናይ ውልቂ ውድድር ምስ ጋንታ ኣስታና ዝወዳደር ፕሮፈሽናል ተቐዳዳማይ መርሃዊ ቅዱስ ቀዳማይ ኮይኑ ተዓዊቱ። ካብ ደቂ-ኣንስትዮ ድማ ኣድያም ተስፋለም ተዓዊታ'ላ።

ካብ ትሕቲ 23 ዓመት ደቂ-ተባዕትዮ ጴጥሮስ መንግስ፡ ካብ ደቂ-ኣንስትዮ ድማ ዳናይት ፍጹም ክዕወቱ እንከለዉ፡ ካብ ማእከላይ ዕድመ፡ ጁንየር፡ ድማ ሚልክያስ ቅዱስን ሞናሊዛ ኣርኣያን ቀዳሞት ኮይኖም ኣለዉ።

ቻምፕዮን ቅድድም ብሽክለታ ኤርትራ 2021 ኣብዚ ካብ ሎሚ ጀሚሩ ንሰለስተ መዓልታት ዝቕጽል ውድድር፡ ናይ ዓበይቲ ደቂ ተባዕትዮን ደቂ ኣንስትዮን ከምኡ'ውን ናይ ትሕቲ 23 ዓመት ተኸፋፊሉ ሰለስተ ደረጃታት ውድድር እዩ ክካየድ።

ኣብዚ ሎሚ ኣብ መንገዲ ኩትሞኣውሊዕ-ሕምብርቲ ዝተኻየደ ናይ ውልቂ ናይ ግዜ ውድድር፡ ተቐዳዳማይ ባይክ አይድ መኽሰብ ደበሳይ ካልኣይ: ተቐዳዳማይ ጋንታ ኣስቤኮ ዳዊት የማነ ኸኣ ሳልሳይ ኮይኖም ውድድሮም ከምዝዛዝሙ ዝረኸብናዮ ሓበሬታ የረድእ።

ኣብ ቻምፕዮን ቅድድም ብሽክለታ ኤርትራ ቀዳማይ ኮይኑ ዝዛዘመ ተቐዳዳማይ፡ ብዘይካ እቲ ዝረኽቦ ክብሪ ቻምፕዮንነት ምስ ዝኾነት ጋንታ ኮይኑ ኣብ ዝገብሮ ውድድራት ባንዴራ ኤርትራ ዘለዋ ማልያ ገይሩ'ዩ ዝወዳደር፡ እዚ ኸኣ ዝኾነ ተዓዛቢ እቲ ተቐዳዳማይ ናይቲ ዓመት ቻምፕዮን ናይ ሃገሩ ምዃኑ ብቐሊሉ ክፈልጦ የኽእሎ።

ኣብ 1994 ዝተወለደ፡ ዕዉት ዙር ርዋንዳ 2019 መርሃዊ ቅዱስ፡ ኣብ ብዙሓት ዓበይቲ ውድድራት ዓቢ ተሞክሮ ዘለዎ ተቐዳዳማይይ እዩ።

ጋንትኡ ኣስታና'ውን ኣባላ መርሃዊ ቅዱስ ኣብ ናይ ውልቂ ናይ ግዜ ውድድር ቀዳማይ ኮኑ ብምዕዋቱ ሓጎሳ ገሊጻ ኣላ።

Skip X post

ንትሕዝቶ X ተፍቅድ ዶ?

እዚ ጽሑፍ ካብ X ዝተረኽቡ ትሕዝቶታት ኣሎዎ። እንተኾነ ኩኪስ ይዅን ካልእ ቴክኖሎጂ ክጥቀሙ ስለዝኽእሉ፡ ቅድሚ ምኽፋቱ ፍቓድኩም የድሊ። ፍቓደኛታት ቅድሚ ምዃንኩም፡ ነቲ ናይ X ፖሊሲ ኩኪስ ከምኡ’ውን ፖሊሲ ብሕትና ክተንብብዎ ትኽእሉ ኢኹም። ነዚ ትሕዝቶ ንምርኣይ፡ ‘እሰማማዕ’የ ቀጽል’ ዝብል ጠውቑ።

Warning: Third party content may contain adverts

End of X post