ధోనీ హెలికాప్టర్ షాట్ ఎలా పుట్టింది? ఆ టెక్నిక్ నేర్పిందెవరు?
ఫొటో సోర్స్, Getty Images
- రచయిత, ప్రవీణ్ కాసం
- హోదా, బీబీసీ ప్రతినిధి
హెలికాప్టర్ షాట్ గురించి క్రికెట్ అభిమానులకు ప్రత్యేకంగా పరిచయం చేయాల్సిన అవసరం లేదు. ఈ ధోనీ సిగ్నేచర్ షాట్ గురించి అందరికీ తెలిసిందే.
బ్యాట్స్మెన్ షూస్ను లక్ష్యంగా చేసుకొని బౌలర్లు వేసే యార్కర్లకు చాలా సార్లు బ్యాట్స్మెన్ వద్ద సమాధానం ఉండదు. కానీ, అలాంటి యార్కర్లను కూడా హెలీకాప్టర్ షాటతో అమాంతంగా స్టాండ్స్లోకి పంపే టెక్నిక్ ధోనీ సొంతం.
ఈ షాట్ కొట్టడానికి బ్యాట్స్మెన్కు టెక్నిక్ కంటే ప్రాక్టీస్, టైమింగ్ చాలా ముఖ్యం. ఈ విషయంలో ఝార్ఘండ్ డైనమేట్ ఆరితేరాడు.
ఫొటో సోర్స్, Getty Images
అలా మొదలెట్టారు
2006లో గోవాలో ఇంగ్లాండ్తో జరుగుతున్న వన్డేలో జేమ్స్ అండర్సన్ వేసిన ఫుల్ లెంత్ బాల్ను ధోనీ తనదైన స్టైల్లో స్టాండ్స్లోకి పంపాడు. అప్పుడైతే ఎవరూ దాన్ని హెలికాప్టర్ షాట్ అని పిలవలేదు.
ఒక కూల్ డ్రింక్ కంపెనీ తన ప్రకటనలో ధోనీతో ఈ షాట్ను హెలికాప్టర్ షాట్గా పిలిపించడంతో అప్పటి నుంచి దీన్ని అదే పేరుతో పిలిస్తున్నారు.
ధోనీ బయోపిక్ 'ధోనీ: ద అన్టోల్డ్ స్టోరీ' సినిమాలో కూడా హెలీకాప్టర్ షాట్ ప్రస్తావన మనకు కనిపిస్తుంది.
దూసుకొస్తున్న యార్కర్ను క్రీజు దాటకుండా ఫ్లిక్ చేసి లెగ్ సైడ్ నుంచి అమాంతంగా స్టాండ్కు పంపే ఈ షాట్ను కనిపెట్టింది వాస్తవానికి ధోనీ కాదు. సంతోశ్ లాల్ అనే క్రికెటర్ది.
ఫొటో సోర్స్, Getty Images
ఎవరీ సంతోష్ లాల్
సంతోశ్ లాల్ కూడా క్రికెటరే. ధోనీ స్నేహితుడు. అతనితో కలిసి రంజీలకు ఆడాడు. ధోనీ ఇతనే వద్దే హెలీకాప్టర్ షాట్ నేర్చుకున్నట్లు ధోనీ మీద వచ్చిన బయోపిక్లో చూపించారు.
జార్ఘండ్, బిహార్ తరఫున 8 ఫస్ట్క్లాస్ మ్యాచ్లకు ప్రాతినిథ్యం వహించిన సంతోశ్ లాల్... ధోనీతో పాటు బ్యాటింగ్ ప్రాక్టీస్ చేసేవాడు.
ఏడేళ్ల పాటు రంజీలకు ఆడిన సంతోశ్ 2013లో మరణించాడు. సంతోశ్ లాల్ అనారోగ్యంతో చివరి దశలో ఉన్నప్పుడు అతనికి ధోనీ అన్నివిధాలుగా సహాయం అందించాడు. మెరుగైన వైద్య సహాయం కోసం అతడిని రాంచీ నుంచి ఢిల్లీకి పంపేందుకు ఏయిర్ అంబులెన్స్ కూడా ఏర్పాటు చేశాడు.
ఫొటో సోర్స్, Getty Images
ధోనీ దారిలో పాండ్యా
అంతర్జాతీయ క్రికెట్లో ధోనీ మొదలెట్టిన హెలికాప్టర్ షాట్ను చాలా మంది క్రికెటర్లు అనుసరించేందుకు ప్రయత్నిస్తున్నారు.
టీం ఇండియా ఆల్రౌండర్ హార్థిక్ పాండ్యా ..ధోనీ స్టైల్లో హెలికాప్టర్ షాట్ ఆడేస్తున్నాడు. అఫ్గానిస్తాన్ క్రికెటర్ ముహ్మద్ షహజాద్ కూడా తన దైన స్టైల్లో ఈ షాట్ కొడుతున్నాడు.
ఇవి కూడా చదవండి:
- ‘అచ్రేకర్ సర్తో నా అద్భుత ప్రయాణం అలా మొదలైంది’ - సచిన్ తెండూల్కర్
- ఎంఎస్ ధోని: ‘నమ్మిన దాని కోసం పోరాడుతూనే ఉండండి’
- సచిన్తో బీబీసీ ఇంటర్వ్యూ: ‘‘నేను ఎందుకు రిటైర్ అయ్యానంటే..’’
- సచిన్ను అందరికన్నా ఎక్కువ భయపెట్టిన క్రికెటర్ ఆయనే
- మహిళల క్రీడా దుస్తులు: నాడు, నేడు
- కిట్ కొనడానికి కష్టపడ్డ మిథాలీ.. ఇప్పుడు పారితోషికంలో టాప్
- భారత క్రికెట్లో ఇమ్రాన్ ఖాన్ బెస్ట్ ఫ్రెండ్ ఎవరు?
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)
