ఐసీసీ అవార్డుల్లో ఆధిపత్యం అతడిదే

18 జనవరి 2018

పరుగుల వేటలోనే కాదు అవార్డుల రేసులోనూ తనకు తిరుగులేదని విరాట్ కోహ్లి మరోసారి నిరూపించాడు. గురువారంనాడు ఐసీసీ (ఇంటర్నేషనల్ క్రికెట్ కౌన్సిల్) ప్రకటించిన అవార్డుల్లో తన ఆధిపత్యాన్ని చాటుకున్నాడు.

2017కిగానూ ‘ఐసీసీ క్రికెటర్ ఆఫ్ ది ఇయర్‌’గా భారత క్రికెట్ జట్టు కెప్టెన్ విరాట్ కోహ్లి ఎంపికయ్యాడు.

‘వన్డే క్రికెటర్ ఆఫ్ ది ఇయర్’ ఘనత కూడా కోహ్లికే దక్కింది.

అక్కడితో ఆగలేదు.. ఐసీసీ టెస్టు, వన్డే జట్ల కెప్టెన్‌ స్థానం కూడా కోహ్లినే దక్కించుకున్నాడు.

2017లో టెస్టుల్లో కోహ్లి 2203 పరుగులు, వన్డేల్లో 76.84 సగటుతో 1818పరుగులు చేశాడు. టీ20ల్లో 150కిపైగా స్ట్రైక్ రేట్‌తో 299పరుగులు నమోదు చేశాడు.

కోహ్లీకి కోపం ఎందుకు వచ్చింది?

‘29ఏళ్ల వయసులో కోహ్లి ఇప్పటికే 32 వన్డే సెంచరీలు నమోదు చేశాడు. ఇదే స్థాయిలో ఆడితే, తన అభిమాన ఆటగాడు సచిన్ సాధించిన 49వన్డే సెంచరీల రికార్డును అధిగమించడం కోహ్లికి కష్టం కాబోదు’ అని ఐసీసీ పేర్కొంది.

తనను క్రికెటర్ ఆఫ్ ది ఇయర్‌గా గుర్తించినందుకు కోహ్లి ఐసీసీకి కృతజ్ఞతలు చెప్పాడు. ‘క్రికెట్‌లో ఇదే అత్యుత్తమ అవార్డని నా భావన. గతేడాది అశ్విన్‌కి, ఈసారి నాకు ఈ అవార్డు దక్కినందుకు చాలా ఆనందంగా ఉంది’ అని కోహ్లి అన్నాడు.

గత మూడేళ్లలో తొలిసారి వన్డే క్రికెటర్ ఆఫ్ ది ఇయర్ అవార్డు దక్షిణాఫ్రికాయేతర ఆటగాడికి దక్కింది. 2014, 2015లో డివిలియర్స్, 2016లో క్వింటన్ డి కాక్ ఆ అవార్డును దక్కించుకున్నారు.

Skip ఎక్కువమంది చదివినవి and continue reading

ఎక్కువమంది చదివినవి