விவசாயிகள் கோரும் எம்.எஸ். சுவாமிநாதன் அறிக்கையின் முக்கிய அம்சம்

கடும் வறட்சி மற்றும் கடன் நெருக்கடி போன்ற பல்வேறு பிரச்சனைகளால் பாதிக்கப்பட்டுள்ள மகாராஷ்டிர மாநில விவசாயிகள் தங்களது கோரிக்கைகளை வலியுறுத்தி அம்மாநிலத்தின் நாசிக்கிலிருந்து தலைநகர் மும்பையை நோக்கிய பேரணியின் இறுதிப்பகுதியில் உள்ளனர்.

குறிப்பாக இந்த பேரணியில் பங்கேற்றுள்ளவர்களில் பெரும்பாலானவர்கள் பழங்குடியின விவசாயிகள் ஆவர். காடுகளை ஒட்டியுள்ள பகுதிகளில் விவசாயம் செய்யும் இவர்களின் நிலவுரிமை வனத்துறையினரின் கட்டுப்பாட்டிலேயே உள்ளது. எனவே, நிலவுரிமை, கடன் தள்ளுபடி மற்றும் விவசாயிகளுக்கான ஓய்வூதியத்தை வலியுறுத்தி இப்பேரணியில் பங்கேற்றுள்ளனர் விவசாயிகள்.

கடுமையான வறட்சியால் பாதிக்கப்பட்டுள்ள தங்களின் கடன்களை தள்ளுபடி செய்யக்கோரியும், விவசாயப் பொருட்களுக்கான குறைந்தபட்ச கொள்முதல் விலையை நிர்ணயிக்க வேண்டும் என்பது மட்டுமல்லாது எம்.எஸ்.சுவாமிநாதனின் அறிக்கையிலுள்ள பரிந்துரைகளை அமல்படுத்த வேண்டுமென்பதும் அவர்களின் முக்கிய கோரிக்கையாக உள்ளது.

விவசாயத்திற்கான முதல் தேசிய அளவிலான ஆணையம்

விவசாயம் மற்றும் விவசாயிகளின் நிலை குறித்து அறிவதற்காக காங்கிரஸ் தலைமையிலான மத்திய அரசாங்கம் கடந்த 2004 ஆம் ஆண்டு நவம்பர் 18 ஆம் தேதி விவசாயத்திற்கான தேசிய ஆணையத்தை டாக்டர் எம.எஸ். சுவாமிநாதன் தலைமையில் அமைத்தது. இந்தியா சுதந்திரம் அடைந்தபிறகு விவசாயத்திற்காக அமைக்கப்பட்ட முதல் ஆணையம் இதுவாகும்.

2004ஆம் ஆண்டு டிசம்பர் மாதத்தில் தனது முதல் அறிக்கையை மத்திய அரசிடம் தாக்கல் செய்த இந்த ஆணையம், தனது ஐந்தாவது மற்றும் கடைசி அறிக்கையை 2006 ஆம் ஆண்டு அக்டோபர் மாதம் 4 ஆம் தேதி தாக்கல் செய்தது.

அந்த அறிக்கையில் இடம்பெற்ற பத்து பரிந்துரைகளில் முக்கியமான ஐந்து பரிந்துரைகளை சுருக்கமாக இங்கே காண்போம்.

நிலச் சீர்திருத்தங்கள்

பயிர் மற்றும் கால்நடை சார்ந்த அடிப்படைப் பிரச்சினைகளை எதிர்கொள்ளவதற்கு நிலச் சீர்திருத்தம் என்பது மிகவும் அவசியமானது என்று அந்த அறிக்கையில் குறிப்பிடப்பட்டுள்ளது.

நீர்ப்பாசனம்

கடன் மற்றும் காப்பீடு

சரியான நேரத்தில், போதுமான அளவு கடனுதவி வழங்குவது என்பது சிறிய விவசாய குடும்பங்களின் அடிப்படை தேவை என்று அந்த அறிக்கையில் குறிப்பிடப்பட்டுள்ளது.

விவசாயிகளின் தற்கொலைகள் தடுப்பு

விவசாயிகளின் போட்டித்திறன்

பிற செய்திகள்:

சமூக ஊடகங்களில் பிபிசி தமிழ்: