'Поёни нишасти сеҷонибаи ҳастаӣ дар Виен'
Image copyrightAFPХабаргузории Ҷумҳурии Исломии Эрон, хабаргузории расмии ин кишвар, аз поёни нишасти сеҷонибаи вузарои хориҷаи Омрико, Эрон ва раиси сиёсати хориҷии Иттиҳодияи Урупо дар Виен хабар додааст. Ин мулоқот дар чорчӯби охирин давр аз музокироти Эрон ва Гурӯҳи 5+1 анҷом шудааст.
Ин хабаргузорӣ ба нақл аз як узви ҳайъати музокиракунандаи Эрон бидуни зикри ном хабар дода, ки дар ин нишасти дусоъата ҳеҷ тарҳи тозае ироа нашуда ва қарор аст идомаи гуфтугӯҳо рӯзи ҷумъаи субҳ ба вақти маҳаллӣ дар Виен баргузор шавад.
Ин матлабро панҷшанбешаб ба вақти маҳаллӣ пас аз поёни музокироти сеҷониба Муҳаммадҷаводи Зариф, вазири умури хориҷаи Эрон, Ҷон Керрӣ, вазири умури хориҷаи Омрико ва Котрин Аштун, ҳамоҳангкунандаи 5+1 дар гуфтугӯ бо хабарнигори эъзомии ИРНО ба Виен баён кард.
Бар асоси ин гузориш ҷумъа баъд аз зуҳр низ нишасти муштараки вузарои хориҷаи Инглис ва Фаронса ва Эрон бо ҳузури Котрин Аштун баргузор мешавад ва пас аз он вазири умури хориҷаи Эрон бо ҳамтоёни инглисӣ ва фаронсавии худ ҷаласае дуҷониба хоҳанд дошт.
"Тағйири равияи мухотираомез"
Ҳамзамон дар Вошингтун бархе ҷумҳурихоҳон ба эътироз ва ҳушдор нисбат ба натиҷаи музокирот идома медиҳанд.
Руйс, Раес, раиси кумитеи равобити хориҷии Маҷлиси намояндагони Омрико, ҳамроҳ бо Элиют Ангел, намояндаи аршади демукроти дигар дар ин кумите, бо интишори баёнияе ҳушдор додаанд пазируфтани ғанисозии Эрон тағйири равияе пурмухотира аз сиёсати деринаи Омрико дар ҷилавгирӣ аз густариши таслиҳоти ҳастаӣ хоҳад буд. Дар ин баёния омада "ҳар тавофуқи ниҳоӣ бо Эрон бояд роҳи ин кишвар ба тавоноии тавлиди таслиҳоти ҳастаиро пешопеш сад кунад, меконисми бозсозии тӯлонимуддат ва нофизеро вазъ кунад ва Эронро водор ба тавзеҳ дар бораи фаъъолияти таслиҳотии ҳастаии худ бикунад."
Рӯзи гузашта қатъномае, ки оқои Руйс барои маҳкумияти нақзи ҳуқуқи башар дар Эрон ба Маҷлиси намояндагон ироа карда буд, бо раъйи аксарият ба тасвиб расид.
Дар ин қатъномаи намояндагон аз давлати Омрико хостаанд:
Мавориди нақзи ҳуқуқи башарро ба музокироти ду ё чандҷонибаи худ бо Эрон изофа кунад.
Бо ҳамкорӣ бо муттаҳидони урупоии худ аз тариқи фаъъолиятҳои диплумотик, тарғиб ва ё таҳримҳои ҳадафманд барои поёни нақзи ҳуқуқи башар ба Эрон фишор биоварад.
Мақомоти аршади Омрико дар бораи нақзи озодиҳои мазҳабӣ мавзеъгирии аланӣ ва сареъ кунанд.
Барои озодии зиндониёни ақидатӣ фаъолият кунад ва аз Эрон бихоҳад бо гузоришгари вижаи ҳуқуқи башари Созмони Милали Муттаҳид ҳамкорӣ кунад.
