Вазири дифоъи Афғонистон: Аз хуруҷи нерӯҳои НОТУ аз Афғонистон истиқбол мекунем
Женерол Бисмиллоҳ Муҳаммадӣ, вазири дифоъи Афғонистон эълом кард, ки ин кишвар аз хуруҷи нерӯҳои НОТУ аз Афғонистон истиқбол мекунад.
Ӯ афзуд, ки то чаҳор моҳи дигар тамоми масъулиятҳои амниятии Афғонистон ба нерӯҳои амниятии ин кишвар вогузор хоҳад шуд. Оқои Муҳаммадӣ изъон дошт, ки нерӯҳои артиши миллии Афғонистон аз зарфияти лозим барои таъмини амнияти ин кишвар бархурдор аст.
Оқои Муҳаммадӣ таъкид кард, ки артиши миллии Афғонистон аз назари каммият ва кайфият ба ҳади қобили қабул расидааст.
Мойкл Фулен, вазири дифоъи Бритониё низ, ки барои ширкат дар маросими фароғати 240 тан аз афсарони афғон, ки тавассути Бритониё омӯзиш дида, ширкат карда буд, эълом кард, ки то поёни соли ҷорӣ маъмурияти ҷангии нерӯҳои Бритониё дар Афғонистон поён меёбад.
Ӯ афзуд, ки ҳадафи Бритониё аз ин маъмурият ин буд, ки терруристҳо аз Афғонистон ба унвони паноҳгоҳи амн истифода накунанд.
Вазири дифоъи Бритониё дар ин маросим гуфт, ки хушҳол аст, ки бо фароғати ин даста аз афсарони афғон шумори нерӯҳои низомии Афғонистон ба 350 ҳазор тан мерасад.
Ӯ афзуд, ки дуруси донишгоҳи моршол Фаҳим баробар бо меъёрҳои ҷаҳонӣ аст ва афсарони фориғ аз ин донишгоҳ қудрати раҳбарии артиши миллии Афғонистонро доранд.
Донишгоҳи моршол Фаҳим ноябри соли гузаштаи мелодӣ тавассути Ҳомид Карзай, раиси ҷумҳури Афғонистон ва Филлип Ҳомунд, вазири дифоъи Бритониё ифтитоҳ шуд.
Ин акодемӣ ноябри соли гузашта бо ҳузури вазири дифоъи собиқи Бритониё ифтитоҳ шуд
Оқои Карзай дар ифтитоҳи ин донишгоҳ гуфт: "Мо, ки имрӯз ин акодемиро ба кумаки Инглистон ифтитоҳ мекунем, мутмаинам ки агар дониши низомӣ бо диловарии афғонҳо як ҷо шавад, артиши мо дар ҷаҳон беназир хоҳад шуд."
Акодемии миллии афсарони Афғонистон, ки ба донишгоҳи моршоли Фаҳим номгузорӣ шуда, бар асоси улгуи акодемии низомии Сандҳерсти Бритониё сохта шуда ва давлати Бритониё мутаъаҳҳид ба ироаи кумак ба ин ниҳоди омӯзишии артиш Афғонистон шудааст.
Санги банои ин донишгоҳи низомӣ се сол пеш бо ҳазинаи 287 миллиюн дулор дар минтақаи Қарға дар ҳумаи шимоли ғарбии шаҳри Кобул гузошта шуд.
Ин донишгоҳ зарфияти омӯзиши ҳамзамон ҳудуди ҳафт ҳазор донишҷӯи низомиро дорад.
Масъулон мегӯянд дар ин донишгоҳ ҷое барои донишҷӯёни духтар ҳам дар назар гирифта шудааст. Ба гуфтаи онҳои як воҳиди омӯзишии ҷудогона барои духтарон ихтисос ёфтааст.
