'Артиши Укройн ба шаҳри таҳти тасаллути тарафдорони Русия ҳамла кардааст'
Image copyrightBBC World ServiceАз соъоти аввалияи бомдоди рӯзи ҷумъаи 2 май, садои инфиҷор аз атрофи шаҳри Ислувёнск, воқеъ дар шарқи Укройн ба гӯш мерасад ва дар дохили шаҳр ожири хатар ба садо даромадааст.
Ислувёнск дар ҳафтаҳои ахир таҳти тасаллути шибҳнизомиёни тарафдори Русия будааст, ки ин шаҳрро мустақил аз давлати марказии Укройн эълом кардаанд.
Онон хостори тағйири давлати Укройн бо илҳоқи бахши шарқии ин кишвар ба Русия ҳастанд.
Ба гузориши Оссушиэйтед Пресс., субҳи ҷумъа Вячеслав Пономарев, шаҳрдори худхондаи Ислувёнск, гуфт, ки "нерӯҳои дифоъии" ин шаҳр ду фарванд чархболи давлатиро сарнагун карда ва як халабонро ба асорат гирифтаанд.
Хабарнигори ин хабаргузорӣ сутуне аз дудро дар ҳумаи шаҳр мушоҳида кардааст.
Ислувёнск воқеъ дар ҳудуди яксаду шасткилуметрии марзи Русия, маҳалли тамаркузи нерӯҳои шӯришии тарафдори Русия аст, ки ҳафт тан аз нозирони Созмони Амнияту Ҳамкории Урупоро гаравгон гирифтаанд.
Баъд аз зуҳри рӯзи гузашта Александр Турчинов, раиси ҷумҳури муваққати Укройн, нерӯҳои захираро ба зери парчам фаро хонд ва гуфт, ки ин иқдом барои муқобила бо авзоъи вахими амниятӣ дар шарқи кишвар зарурат дорад.
Соъоте пеш аз он шибҳнизомиёни тарафдори Русия ба сохтмони додситонии шаҳри Дунетск дар шарқи Укройн ҳамла карда ва бо парокандани нерӯҳои пулис ва гирифтани таҷҳизоти онон ин сохтмонро ба тасарруф дароварда буданд.
