Мардуми Криме суолоти худро аз Путин матраҳ мекунанд
Image copyrightAFPДар остонаи баргузории иҷлоси байналмилалии баррасии буҳрони Укройн, сокинони нимҷазираи Криме суолоти худро аз раиси ҷумҳурии Русия матраҳ мекунанд.
Рӯзи панҷшанбеи 17 апрел Владимир Путин, раиси ҷумҳурии Русия, дар як барномаи пурсишу посухи телевизиюнӣ ба суолоти шаҳрвандони ин кишвар посух медиҳад ва барои аввалин бор сокинони нимҷазираи Криме ҳам ки моҳи гузашта расман ба шаҳрвандони русӣ табдил шуданд, имкони матраҳи суолоти худро аз тариқи иртиботи видиюӣ бо ин барнома ёфтаанд.
Ин барномаи телевизиюнӣ ҳар сол як бор ба таври зинда иҷро мешавад ва муҷриёни барнома пешопеш эълом карда буданд, ки аҳолии нимҷазираи Криме низ иҷоза доранд бо раиси ҷумҳурии Русия гуфтугӯ кунанд.
Оқои Путин дар поосух ба суолоте дар мавриди сиёсати Русия дар қиболи Укройн гуфтааст, ки гузоришҳои ҳокӣ аз ҳузури нерӯҳои русӣ дар шарқи Укройн беасос аст ва давлати Русия дар таҳаввулоти дохилии Укройн дахолате надорад. Раиси ҷумҳурии Русия давлати Укройнро ба хотири эъзоми нерӯҳои низомӣ барои поксозии марокизи давлатии шарқи ин кишвар аз шибҳинизомиёни мусаллаҳ мавриди интиқод қарор дод ва онро "иқдоме ҷинояткорона алайҳи шаҳрвандолни оддӣ" тавсиф кард.
Вай дар айни ҳол таъкид варзид , ки роҳи ҳалли буҳрони кунунии Укройн музокира ва мусолиҳаи давлати он кишвар бо шаҳрвандони рустабори укройнӣ ва ҷалби ҳамкории онон аст ва гуфт, ки нишасти рӯзи панҷшанбе дар Женев гоме муҳим барои поён додан ба вазъияти кунунӣ аст.
Буҳрони сиёсии Укройн дар моҳи няобри соли гузашта бо эътироз ба тасмими Виктур Ёнукович, раиси ҷумҳурии махлӯъи он кишвар барои лағви барномаи густариши ҳамкорӣ бо Иттиҳодияи Урупо ва пайгирии сиёсати тақвияти равобит бо Русия оғоз шуд ва дар пайи ҳамлаи нерӯҳои амниятӣ ба тазоҳуркунандагон дар моҳи феврал раъйи порлумони Укройн дар барканории оқои Ёнуковичро дар пай овард.
Дар моҳи март, дар ҳоле ки шибҳинизомиёни тарафдори Русия дар ҷумҳурии худгардони Криме тасаллут ёфта буданд, порлумони маҳаллии ин сарзамин ба илҳоқи Криме ба Русия раъй дод ва ба ин манзур паймонеро бо давлати Русия имзо кард, ки баъдан дар порлумони Русия ба тасвиб расид.
Дар ҳоле ки давлати Укройн ва бисёре дигар аз кишварҳои ҷаҳон иқдоми Русия дар инзимоми нимҷазираи Кримеро ғайриқонунӣ медонанд, назарсанҷиҳо ҳокӣ аз он аст, ки ин иқдом боъиси афзоиши маҳбубияти оқои Путин дар миёни мардуми Русия шудааст. Интизор меравад дар ҷараёни барномаи пурсишу посухи мустақими раиси ҷумҳурӣ, ки аз як шабкаи тарафдори давлат пахш хоҳад шуд, иқдоми оқои Путин дар илҳоқи нимҷазираи Криме бо истиқболи бисёре аз пурсишкунандагон мувоҷеҳ шавад.
Владимир Путин, ки аз соли 1999 дар симатҳои нахзуствазир, кафили раёсати ҷумҳурӣ, раёсати ҷумҳурӣ, нахуствазир ва раиси ҷумҳурӣ бюарои бори дувум амалан раҳбарии Русияро дар даст дошта, ин назарро матраҳ кардааст, ки мардуми Русия ба таври суннатӣ ба раҳбаре муқтадир ва нерӯманд муътақид ҳастанд, ки бояд аз мавқеъияти Русия ба унвони як абарқудрати ҷаҳонӣ дифоъ кунад.
