Даргирии хонаводаи сарнишинони ҳавопаймои нопадидшуда бо пулис
Image copyrightGettyБастагони хашмгини мусофирони ҳавопаймои нопадидшудаи ширкати ҳавоии Молезӣ рӯзи сешанбеи 26 март дар муқобили сафорати ин кишвар дар Пекан даст ба таҷаммуъи эътирозомез заданд ва бо пулис даргир шуданд.
Онҳо, ки мақомоти Молезиро ба пинҳонкорӣ муттаҳам мекунанд, плокордҳое дар даст доштанд, ки рӯйи он навишта шуда буд "Мо ҳақиқати MH370"-ро мехоҳем.
Наҷиб Раззоқ, нахуствазири Молезӣ, дирӯз дар як кунфронси хабарӣ эълом кард ки таҳлили иттилоъоти моҳвораӣ нишон медиҳад, ки парвози ҳавопаймои нопадидшуда дар нуқоти дурафтодаи уқёнуси Ҳинд "ба поён расида" ва тақрибан тардиде вуҷуд надорад, ки ҳама сарнишинони ҳавопаймо кушта шудаанд.
Давлати Чин аз Молезӣ хостааст тамоми шавоҳид ва иттилоъоти марбут ба ҳавопаймои нопадидшударо дар ихтиёри Чин қарор диҳад.
153 нафар аз 239 сарнишиниин ҳавопаймо шаҳрванди Чин буданд.
Таваққуфи ҷустуҷӯ ба далели бадии ҳаво
Мақомҳои Устролиё мегӯянд, ки ҷустуҷӯ барои ёфтани бақоёи ҳавопаймои мусофирбарии Буйнг 777-и ҳавопаймои Молезӣ дар уқёнуси Ҳинд ба далели шароити номусоъиди ҷаввӣ феълан мутаваққиф шудааст.
Ба гуфтаи идораи эминии дарёии Устролиё, вазиши боду бориши борони шадид имрӯз монеъ аз парвози ҳавопаймоҳо дар минтақа шудааст.
Ҷустуҷӯҳои густарда бо ҳузури 26 кишвар барои ёфтани ин ҳавопаймо дар ду ҳафтаи гузашта бенатиҷа будааст, аммо моҳвораҳои Устролиё, Чин, Фаронса ашёи шиновареро дар минтақае дар уқёнуси Ҳинд дар ғарби Устролиё сабт кардаанд ва сарнишинони ду ҳавопаймои чинӣ ва устролиёӣ ҳам аз иртифоъи боло ашёи шиновареро дар ин минтақа дидаанд.
Бо ин ҳол ҳанӯз киштиҳо ё ҳавопаймоҳои таҷассусӣ, ки дар иртифоъи пойин ҳаракат мекунанд, муваффақ ба ёфтан ва баррасии ин ашё нашудаанд ва ҷустуҷӯгарон мутмаин нестанд, ки ин ашё бақоёи ҳавопаймои нопадидшуда бошад.
Минтақаи ҷустуҷӯ дар уқёнуси Ҳинд дар ҳудуди 2500 килуметрии ҷануби ғарбии бандари Перти Устролиё воқеъ аст.
Иртиботи ҳавопаймои Буйнг 777-и ширкати ҳавопаймои Молезӣ, ки бомдоди рӯзи 8 март бо 227 мусофир ва 12 хадама аз Куоло Ломпур ба сӯйи Пекан дар ҳаракат буд, соъате пас аз тарки фурудгоҳ тамосаш бо бурҷи муроқибат қатъ шуд
Ширкати Рулзруйс, созандаи мутурҳои ҳавопаймои нопадидшуда, эълом кард, ки сигнолҳоеро, ки аз фиристандаи дохили ин мутурҳо ирсол мешуд, то соъатҳо пас аз қатъи иртиботи ҳавопаймо дарёфт кардааст.
Бар ин асос ин эҳтимол, матраҳ шуд, ки ин ҳавопаймо ҳазорон килуметр аз маҳалле, ки охирин бор аз онҷо бо бурҷи муроқибат тамос дошт, дур шуда бошад.
Саранҷом таҳлили додаҳои ба дастомада аз моҳвораи бритониёии Инморест нишон дод, ки ҳавопаймо ба минтақае дурафтода аз уқёнуси Ҳинд рафтааст.
Нахуствазири Молезӣ гуфт, ки дар ин минтақа имкони фуруди солим барои ҳавопаймо вуҷуд надошта ва бояд натиҷа гирифт, ки ҳавопаймо дар уқёнус афтодааст.
Бо ин ҳол ҳанӯз суолоти бепосухи фаровоне боқӣ мондааст, аз ҷумла ин ки чаро иртиботи ҳавопаймо бо бурҷи муроқибат қатъ шуд ва чаро ин ҳавопаймо масири худро ба сӯйи Пекан тарк кард ва ба нуқтае дурафтода дар уқёнуси Ҳинд рафт.
