Давлати Суис дороиҳои Ёнукувичро масдуд кардааст
Image copyrightAFPМақомоти қазоии Суис эълом карданд, ки Виктур Ёнукувич, раиси ҷумҳурии махлуъи Укройн ва писарашро ба иттиҳоми пулшӯӣ таҳти пайгарди қонунӣ қарор дода ва парвандаи ононро рӯзи ҷумъа ба ҷараён андохтаанд. Додситонии Суис ин ҳафта мадорикеро дар як ширкати мутаъаллиқ ба писари оқои Ёнукувич дар ин кишвар забт кард.
Давлати Суис ҳамчунин дороиҳои ҳудуди бист тан аз мақомоти собиқи укройнӣ, аз ҷумла оқои Ёнукувич ва писарашро масдуд кардааст. Ёнукувич дар ҳоли ҳозир дар Русия аст ва худро раиси ҷмуҳурии қонунии Укройн медонад.
Ба дастури бонки марказии Укройн, бардошти муштариён аз ҳисобҳои бонкии онон ба ҳудуди як ҳазор юру дар рӯз маҳдуд шуда, дар ҳоле ки нархи баробарии пули миллии ин кишвар дар баробари арзҳои муътабари хориҷӣ башиддат коҳиш ёфтааст. Иқтисоди Укройн дар солҳои ахир гирифтори мушкилот буда ва яке аз авомили мухолифат бо раиси ҷумҳури барканоршуда нохурсандӣ аз шароити иқтисодӣ ва вуҷуди фасоди густардаи давлатӣ будааст.
Ин дар ҳолест, ки афроди мусаллаҳи ношинос дар атрофи фурудгоҳи нимҷазираи Криме дар Укройн мустақар шудаанд, аммо аз фаъъолияти оддии фурудгоҳ ҷилавгирӣ намекунанд
Ба гузориши хабаргузории Интерфокс-Укройн, намояндагони порлумони Укройн аз кишварҳои Ррусия, Омрико, Бритониё ба унвони имзокунандагони "Ёддошти Будопест" хостаанд дар машварати фаврӣ бо давлати Укройн барои коҳиш дар нимҷазираи Криме иқдом кунанд.
Арсен Аваков, вазири кишвари Укройн, гуфтааст, ки нафарони нерӯи дарёии Русия як фурудгоҳи низомии воқеъ дар наздикии шаҳри Севоступул дар Кримеро муҳосира кардаанд. Гурӯҳе аз афроди ношинос низ ҳамчунон дар атрофи фурудгоҳи дигаре дар Криме мустақар ҳастанд.
Вазири кишвари Укройн гуфтааст, ки нафароти посдорони марзии ин кишвар ҳамчунон дар дохили фурудгоҳе, ки дар муҳосираи нерӯҳои русӣ аст, ҳузур доранд.
Александр Турчинов, раиси ҷумҳури муваққати Укройн, дар суханоне дар порлумони ин кишвар гуфтааст "мутаассифона бо вуҷуди тамомии дархостҳо ва баёнияҳое, ки дар ҷаласоти қаблии ин маҷлис матраҳ шуд, персунели нерӯҳои мусаллаҳи Фудеросиюни Русия ба таври мустақим дар ин даргирӣ ва афзоиши таниши дахолат доранд ва алорағми ҳушдорҳои тарафи укройнӣ, ба таври мусаллаҳона ба таҳаррукоте дар Ҷумҳурии Худмухтори Криме мубодират мекунанд, ки мавриди тавофуқи Укройн қарор нагирифтааст."
Вазири кишвари Укройн иқдоми нерӯҳои русиро "таҷовуз ва ишғоли низомӣ" ва муғойири тамомии мавозини таъаҳҳудоти байналмилалӣ тавсиф карда ва порлумони Укройн аз Шӯрои Амнияти Созмони Милал хостааст авзоъи ин кишварро зери назар дошта бошанд.
