Тавофуқи Сурия ва Омрико барои кунтрули таслиҳоти шимиёии Сурия
Ҷон Каррӣ, вазири хориҷаи Омрико ва Сергей Лавров, ҳамтои руси ӯ дар поёни сеюмин рӯзи музокироташондар Женев, дар як нишасти хабарӣ ҷузъиёте аз тавофуқи байни ду кишвар дар мавриди таҳти кунтрул қарор додани таслиҳоти шимиёии Сурияро ироа карданд.
Русия ва Омрико ҳамчунин эълом карданд, ки Сурия бояд ба бозрасон иҷозаи дастрасӣ ба таслиҳоти шимиёии ин кишварро бидиҳад.
Ҷон Каррӣ, вазири хориҷаи Омрико дар ин нишасти матбуъотӣ ҷузъиёти тарҳи шашмодаиро баён кард, ки бар асоси он Сурия бояд феҳристи комил аз таслиҳоти шимиёии зарфи як ҳафта ироа кунад.
Оқои Каррӣ афзуд, ки бозрасон бояд то моҳи ноябр дар Сурия бошанд.
Ӯ гуфт, ки ин тасмим бояд бо судури қатъномаи созмони миллал дар ин бора, ки иҷро нашудани он таҳдиди таҳримҳо ва истифодаи нерӯро баҳамроҳ дорад, амалӣ шавад.
Ба гуфтаи вазири хориҷаи Омрико ҳадафи ниҳоӣ нобудии комили таслиҳоти шимиёии Сурия то авосити соли 2014 аст.
Сергей Лавров, вазири хориҷаи Русия ҳам дар суханоне гуфт, ки дар ин тавофуқ ишорае ба тавассул ба зӯр дар сурати адами пойбандии Сурия ба муфоди ин тавофуқ нашудааст.
Омрико мегӯяд, режими Сурия дар ҳамлаи шимиёии моҳи гузашта садҳо нафарро куштааст.
