'Таҷаммуъи ҳаводорони Мурсӣ то абад наметавонад идома дошта бошад'

Набил Фаҳмӣ, вазири хориҷаи Миср, гуфтааст, ки таҷаммуъи ҳомиёни Муҳаммад Мурсӣ, раиси ҷумҳури барканоршуда, наметавонад то "абад" идома дошта бошад.

Шаби гузашта як манбаъи вазорати кишвари Миср дар гуфтугӯ бо Би-би-сӣ аз анҷоми амалиёте барои ҷамъ кардани ду чодари муътаризон то қабл аз субҳи имрӯз (12 август) хабар дод.

Аммо бар асоси гузоришҳои дарёфтӣ бо тулӯъи офтоб нишонае аз фаъъолияти пулис дар хориҷи масҷиди Робиъаи Адавия дар шарқи Қоҳира ва дар майдони Наҳзат дида намешавад.

Хабарнигори Би-би-сӣ ҳам, ки дар наздикии масҷиди Робиъаи Адавия мустақар аст, гуфтааст, ки нишонае аз фаъъолияти нерӯҳои амниятӣ дар маҳалли таҳассуни ҳаводорони оқои Мурсӣ дида намешавад.

Дар ҳамин ҳол, Ихвонулмуслимин, ки аз оқои Мурсӣ ҳимоят мекунад, дар мавриди бурузи хунрезӣ ҳушдор додааст.

Набил Фаҳмӣ, вазири хориҷаи Миср, ба Би-би-сӣ гуфт, ки ин масъала бояд хеле зуд ё аз тариқи гуфтугӯ ва ё аз тариқи эъмоли қонун ҳал шавад.

Оқои Фаҳмӣ афзуд ҳудуди се ҳафта аст, ки мақомот дар талошанд, то аз тариқи гуфтугӯ бо муътаризон ба тавофуқ бирасанд.

Вазири хориҷаи Миср ҳамчунин гуфт, агар пулис даст ба амалиёте алайҳи муътаризон бизанад, ин амалиёт бар асоси ҳукми додгоҳ ва бар асоси раволе, ки бояд сурат бигирад, анҷом хоҳад шуд.

Гуфта шуда дар пайи эҳтимоли мудохилаи пулис муътаризон барои ҳифозат аз чодарҳои маҳалли таҷаммуъ кисаҳои шинро дар атрофи ин чодарҳо қарор додаанд.

Дар ҳамин ҳол, аз эъзоми мутурсавори мусаллаҳ ба чӯб ба маҳалли таҷаммуъи муътаризон дар сурати бурузи даргирӣ хабар дода шудааст.

Ба гуфтаи хабарнигори Би-би-сӣ, ҳарчанд ҳанӯз зуд аст дар ин бора, ки оё пулис амалиётеро барои ҷамъоварии чодарҳои муътаризон анҷом медиҳад ё на изҳори назар кард, аммо афроде дар давлати муваққат ҳастанд, ки тамоюл надоранд то барои хотима додан ба таҳассуни муътаризон ба зӯр мутавассил шуд.

Ҳанӯз мушаххас нест, ки оё ҳушдори мақомот бо ҳадафи ташвиқи бархе аз муътаризон ба тарки маҳалли таҳассун сурат гирифта ё на.

Ҳарчанд ки талошҳои давлати Миср то кунун барои мутақоъид кардани муътаризон ба тарки маҳал муваффақиятомез набудааст.

Рӯзи гузашта ҳизби Озодӣ ва Адолати Миср, шохаи сиёсии Ихвонулмуслимин, аз талошҳои Аҳмад Таййиб, шайхи Алазҳар, барои миёнҷигарӣ дар муноқишаи сиёсии Миср интиқод кард.

Муҳаммад Судон, яке аз сухангӯёни ин ҳизб гуфт, ки онон бетарафии шайхи Алазҳарро қабул надоранд. Ин ҳизб шайхи Алазҳарро ба даст доштан дар тавтеъа алайҳи раиси ҷумҳур (Муҳаммад Мурсӣ) ва пуштибонӣ аз кудето муттаҳам кардааст