Taifa gani lingeshinda taji la Afcon kwa mambo mengine kando na soka?

Mwezi Mei 2019, kasi ya intaneti nchini Madagascar ilikuwa 28.08 megabits kwa sekunde - hiyo ni kasi ya pili kwa ukubwa barani Afrika baada ya ile ya Cape Verde. Lakini kasi hiyo, haimaanishi kuwa watu wengi wanatumia intaneti. Kwa mujibu wa Benki ya Dunia, mwaka 2017 ni asilimia 10 tu ya wananchi wa Madagascar ndio walikuwa wakitumia intaneti

Mwaka 2018, inakisiwa kila raia Guinea kwa wastani alikula kilo 190 ya mchele. Japo wana hali ya hewa nzuri kwa kulima mpunga, mchele ndiyo bidhaa inayoagizwa kwa wingi kutoka nje. Wanaagiza zaidi kutoka bara Asia.

Wastani wa pato la mtu nchini Afrika Kusini ni zaidi ya dola 6,000 kwa mwaka, kwa mujibu wa Benki ya Dunia. Lakini Afrika ya Kusini inasalia kuwa ni moja ya nchi yenye uchumi usio na uwiano duniani. Japo nchi hiyo ina watu wengi zaidi wenye uwezo wa kifedha barani Afrika, ukosefu wa ajira nchini humo kwa miezi minne ya mwisho ya 2018 ulikuwa ni wastani wa asilimia 27. Hali ya umasikini ni kubwa nchini humo.

Mapato makubwa yatokanayo na mafuta na matumizi mazuri ya hifadhi ya pesa zinazotokana na mafuta imeviwezesha Algeria kukuaribia kulifuta kabisa deni lao la nje mpaka kufikia 3.4% ya pato la taifa. Hiyo ina maana kuwa endapo raia wa nchi hiyo wataamua kutoa mishahara yao, itawachukua siku 12 tu kulipa deni hilo lililosalia. Nchini Mauritania itawachukua siku 311 kufanya hivyo.

Raia wa Tunisia waliozaliwa 2017 wanategemea kuishi mpaka kufikia miaka 78, kati ya hiyo 67 wakiwa na afya njema. Wanawake wanatarajiwa kufikia miaka 80 na wanaume 76. Vyanzo vikuu vya vifo vya mapema nchini humo ni magonjwa ya moyo na ajali za barabarani.

Ikiwa na zaidi ya watu milioni 200, Nigeria ndio nchi yenye watu wengi zaidi Afrika na ya 7 duniani. Pia watu wa taifa hilo wana umri mdogo, wat wanne kati ya 10 wapo chini ya miaka 14.

Algeria ndio nchi kubwa zaidi Afrika na ya 10 duniani. Hata hivyo zaidi ya 80% ya eneo lake ni jangwa la Sahara. Nchi kubwa zaidi ilikuwa ni Sudani, kabla ya kugawanyika mwaka 2011. Algeria haina msongamano mkubwa wa watu, kwa kilometa mraba moja kuna watu 17 wakati Burundi ina watu 423 kwa eneo la ukubwa kama huo.

Namibia ndiyo nchi inayotajwa kuwa na kiwango kidogo cha rushwa kwenye nchi zinazochuana kwenye AFCON, ikiishinda hata Senegal. Kwa mujibu wa ripoti ya dunia ya rushwa ya 2018, ipo nafasi ya tano Afrika, ambapo kinara ni Ushelisheli. Duniani, Namibia inazishinda nchi kama Italia na Uturuki.

Nigeria inaongoza kwa wale wote walio AFCON kwa mujibu wa ripoti ya 2019, ambayo huangalia vitu kama kipato, afya, kutokuwepo kwa rushwa, uungwana na uhuru. Duniani Nigeria ipo katika nafasi ya 85, mwaka jana walikuwa nafasi ya 91. Kwa Afrika ni nchi ya pili nyuma ya Mauritius.

Namibia wanawake ni asilimia 46 bungeni. Nchi hiyo ipo nyuma ya Rwanda tu, ambayo ndio kinara duniani katika eneo hilo. Namibia pia ipo nafasi ya 10 duniani kwa pengo dogo la kipato baina ya wanawake na wanaume ikiwashinda mpaka Ujerumani na Uingereza.

Kenya ndio bingwa katika eneo hilo, medali za dhahabu 31, fedha 38, na shaba 34. Kenya imeshinda medali nyingi katika eneo la riadha, hasa mbio ndefu.

Afrika Kusini ina maeneo 10, ikiwemo ya binadamu wa kale na kisiwa cha Robben ambacho Nelson Mandela alifungwa.