Vifahamu vyuo vikuu bora duniani 2021

Usomaji maandishi tu kupunguza gharama za data

11 Juni 2020

Kwa mwaka wa tisa mfululizo, Chuo kikuu cha Teknolojia mjini Massachusetts MIT kimeongoza orodha ya vyuo vikuu bora duniani ilioandaliwa na kampuni ya Uingereza ya Quacquareli Symonds QS.

Chuo hicho cha elimu ya juu kinafuatiwa na vingine vitatu kutoka Marekani: Stanford, Harvard na Taasisi ya teknolojia katika jimbo la California huku nafasi ya tano ikichukuliwa na chuo kikuu cha Uingereza Oxford University.

Vyuo 10 bora duniani

1.Massachusetts Institute of Technology, USA

2.Stanford University, USA

3.Harvard University, USA

4.California Institute of Technology, USA

5.Oxford University, UK

6.Federal Polytechnic School of Zurich, Switzerland

Skip Iliyosomwa zaidi and continue reading

Iliyosomwa zaidi

End of Iliyosomwa zaidi

7.Cambridge University, UK

8.Imperial College London, UK

9.University of Chicago, USA

10.University College London, UK

Orodha hiyo iliotolewa siku ya Jumatano na huchapishwa kila mwaka, inaandaliwa kupitia utafiti wa wasomi, wafanyakazi huku utafiti huo ukitokana na dondoo katika machapisho ya masomo na zile zinazohusishwa na utafiti huo mbali na idadi ya wanafunzi wa kimataifa na walimu miongoni mwa vigezo vingine.

Ni matokeo yanayoashiria utendaji wa kitaalamu wa vyuo hivyo kulingana na walimu na wanafunzi.

Vyuo hivyo kumi duniani vinashirikisha chuo cha ETH Zurich kilichopo Switzeland,[6], Chuo kikuu cha Cambridge Uingereza [7] chuo cha British Imperial College kilichopo nambari nane na American University kilichopo Chicago.

Cha kushangaza ni kwamba kati ya vyuo 1002 vilivyoorodheshwa kote duniani hakuna hata chuo kimoja kinachotoka Afrika katika orodha ya vyuo 100 bora.

Vilevile katika orodha ya 10 bora kutoka Afrika , vyuo vitano vinatoka Afrika Kusini vikiongozwa na chuo kikuu cha Capetown ambacho ndio chuo bora Afrika na chuo nambari 220 kwa ubora duniani.