Wakaazi waokota kilichosalia katika bomoa bomoa Kibera Kenya

Shughuli ya kuondoa wakaazi kwa lazima imeanza katika mtaa wa mabanda wa Kibera - Nairobi Kenya.

Oparesheni hiyo imeendeshwa chini ya ulinzi mkali huku maafisa wa usalama wakishika doria wakati makaazi, shule na majengo ya biashara yakibomolewa.

Nyoka na 'Bundi wa miujiza', marufuku katika uchaguzi Zimbabwe

LHRC waunga mkono Marekani kuingilia demokrasia Tanzania

Hatua hii inanuiwa kutoa nafasi ya upanuzi wa barabara inayotarajiwa kupunguza msongamano wa magari katika mji mkuu Nairobi.

Maelfu ya waathirka ni maskwota ambao wamelalamika kuwa shughuli hiyo imefanyika bila kuzingatia ubinadamu na wameomba kupewa makao au kulipwa fidia - maombi ambayo serikali imepuuza.

Zaidi ya familia elfu ishirini zinaathirika na mpango huo.

Serikali inasema tayari ilikuwa imetoa taarifa kwa wakaazi hao na walipaswa kuondoka tangu katikati ya mwezi huu wakitakiwa kutoa nafasi kwa ujenzi wa barabara itakayo liunganisha eneo la Mashariki na Magharibi mwa jiji hilo.

Serikali inasema inaimiliki ardhi hiyo inayozozaniwa na kwamba hakuna mtu atakayelipwa fidia.

Imeeleza kuwa barabara hiyo kuu yenye thamani ya $ milioni 20 inayojengwa katikati ya mtaa wa Kibera imenuiwa kupunguza msongamano wa magari magharibi mwa mji mkuu Nairobi.

Wamiliki wa Shule na biashara kadhaa katika eneo hilo ni miongoni mwa waliopewa ilani za kuondoka.

Tanzania: Mbwa mpekuzi 'Hobby' yuko wapi?

Mume na mkewe kusoma habari pamoja Kenya

Sarah Bisebe, anayekiendesha kituo cha mafunzo kwa watoto wasiojiweza Egesa - ameiambia BBC kuwa ilani ya kuondoka ilitumbukizwa chini ya mlango usiku.

Ameelezea wasiwasi wake kwamba huenda ndio mwisho kwa watoto katika taasisi hiyo kupata elimu.

Sio mara ya kwanza kwa shughuli ya ubomozi au kufurushwa kwa watu kutoka ardhi ya umma kufanyika Kenya.

Hali hii imezusha maswali mengi kuhusu majukumu ya wabunge ambao wanatunga sheria na sera hizo.

Ni kwa nini mji huu wa Kenya unabadilika rangi?

Haya ni wakati hali ya wanaopoteza makaazi yao hawajui waelekee wapi na vilevile kuzusha maswali kuhusu tatizo la unyakuzi wa ardhi Kenya.

Kibera ni mtaa ambao una mchanganyiko wa watu kutoka tabaka mbali mbali, huku takwimu za Umoja wa mataifa zikikadiria kwamba kuna takriban kati ya watu 400,000 na milioni 1.5 wanaoishi katika eneo hilo.