Desturi ya ajabu ambapo maiti huhifadhiwa ndani ya nyumba kwa miaka mingi

Hatupendi kuzungumzia kifo, lakini watu wengine wanapenda.

Ndugu wa marehemu ni sehemu ya maisha ya kila siku katika mkoa wa Sulawesi nchini Indonesia.

Onyo: Baadhi ya picha zinaweza kuwasumbua wasomaji

Hakuna samani ndani ya chumba, kuta zimejaa kuni na picha chache zinaning 'inia. Sauti za mazungumzo zinaingia chumbani na harufu ya kahawa pia inatoweka.

Ndugu na jamaa wote wamekusanyika hapa.

Mgeni rasmi aliuliza "Baba yako anaendeleaje?" Na kwa swali hilo, hisia ya kila mtu ilibadilika. Kila mtu alimtazama mzee huyu aliyelala kwenye kitanda cha maua kwenye kona ya chumba.

Mamak Lisa, binti wa mzee, alijibu kwa utulivu, "Sijisikii vizuri bado".

Mamak Lisa alisimama huku akitabasamu na kwenda kitandani.

"Baadhi ya watu wamekuja kukutana na wewe Bapu - Natumaini hutakasirika wala kufadhaika".

Kisha akanipungia mkono na kuniambia nikutane na Paulo Cirinda.

"Hush... usimsumbue babu, amelala"

Nilishtuka nikaangalia pale kitandani. Paulo Cirinda alikuwa bado yuko sawa, macho yake yalikuwa hayapepesi pale nyuma ya kioo cha glasi.

Ngozi inaonekana kupauka kama vile imeliwa na wadudu. Mwili wote umefunikwa kwa nguo nyingi.

Wakati nilipokuwa nikitetemeka hivyo, mjukuu wake aliingia kwenye chumba akiwa ametoka kucheza na kunirudisha kwenye hali halisi.

Aliuliza katika hali ya kustaajabu, "Kwa nini babu bado amelala?" Mtoto mwingine alisema "Babu, hebu kaa chini tule!"

Mama Lisa aliwaambia watoto, "Nyamazeni... usimsumbue Babu. Analala. Atakuwa na hasira na nyinyi".

Paulo Cirinda, ambaye amelala hapa, amefariki miaka 12 iliyopita - lakini familia yake anahisi kama bado yu hai.

Kuweka maiti nyumbani kama hii inaweza kuonekana jambo la kushangaza kwa watu wa nje, lakini kuna mamilioni ya watu katika eneo hili la dunia ambao hii ni kawaida yao.

Katika mkoa wa Toraja katika mkoa wa Sulawesi mashariki mwa Indonesia, familia zimehifadhi ndugu waliokufa kwa njia hii kwa karne nyingi.

Hapa hakuna tofauti kati ya aliye mzima au aliyefariki na marehemu pia bado ni sehemu ya maisha ya sasa.

Kuwepo nyumbani kwa baba aliyekufa

Mazishi hayafanyiki kwa miezi au wakati mwingine miaka baada ya mtu kufa katika familia.

Katika kipindi hiki maiti huhifadhiwa nyumbani na kutibiwa kama mgonjwa.

Mara mbili kwa siku chakula na vinywaji na sigara pia huwekwa pamoja naye.

Miili yao pia hupumzika na nguo za kawaida hubadilishwa.

Vyombo pia vinatunzwa chumbani ili watu waliokufa waende Hajat.

Mwili wa marehemu wakati mwingine hautunzwa peke yake hivuyo basi taa huwashwa hata usiku mzima.

Wanafamilia wanaamini kwamba wazazi waliofariki watawasumbua kama hawatatunzwa vizuri.

Kitamaduni, dawa pia hutumika kwa maiti ili kuihifadhi. Sasa, ingawa, kemikali kama formalin pia maiti hudungwa. Kwa sababu hiyo, chumba pia kina harufu kali ya kemikali.

Mamak Lisa kwa upendo anakanda shavu la baba yake na kusema kwamba bado ana ukaribu wa kihisia na baba yake.

Anasema, "Ingawa sisi sote ni Wakristo, ndugu wanatuita na wakati mwingine hata kututembelea moja kwa moja kujua tunaendeleaje. Hii ni kwa sababu bado tunaamini kwamba wako hai na kwamba wanaweza kutusikia ".

Hakuna mtu aliyeonekana kuogopa wafu hapa kwa sababu tunaelewa.

Miaka michache iliyopita baba yangu alikufa na kuzikwa mara baadaye. Mpaka leo mimi bado sijapona kutokana na mshtuko wa kifo chake.

Cha kushangaza, Lisa aliniambia kwamba kuwa na baba ndani ya nyumba kunafanya iwe rahisi kuvumilia maumivu. Hii inaruhusu muda kwa ajili ya huzuni kwa upande wa pili na kukubalika taratibu kwa hali ya kifo.

Msafara mkubwa wa mazishi

Hivi ndivyo mwili wa Sirinda unavyohifadhiwa hadi pale familia itakapokuwa tayari kumuaga kwa mara ya mwisho.

Familia inajiandaa kwa ajili yake kihisia na kifedha pia.

Wakati pesa za kutosha zitakapopatikana, atatolewa katika msafara mkubwa wa mazishi na kupewa zawadi ya mwisho ya kuuaga mwili wake kwa mafanikio makubwa.

Watu wa Torajans wanaamini kuwa baada ya tendo la mwisho hatimaye roho huondoka duniani na hatimaye maisha hupanda katika safari ndefu huko mbinguni.

Hapa roho inazaliwa upya. Inaaminika kwamba kuzaliwa mara ya pili ni kupandwa kwenye nyati na hivyo familia hutoa dhabihu nyingi kadri inavyowezekana.

Nilihudhuria mazishi ya mtu mmoja aliyejulikana kwa jina la Mwangen ambaye alifariki mwaka mmoja hivi uliopita.

Danjan alikuwa tajiri na mwenye kuheshimiwa. Ibada zake zilidumu kwa siku nne na nyati 24 na mamia ya nguruwe walitolewa kafara. Baadaye nyama yao ilisambazwa kwa wageni.

Ilikuwa ajabu kuona fahari, ngoma, muziki na karamu kama hiyo wakati wa mazishi ya mtu.

Maiti zatunzwa kwenye mapango

Hakuna taratibu za mazishi ya ardhini huko Torajan. Badala yake, miili huhifadhiwa katika makaburi ya familia au mapango. Mapango hutumiwa hasa katika maeneo ya vilima.

Mara nyingi pia kuna mapango ya muda mrefu sana na mifupa mbalimbali huhifadhiwa ndani yake. Hapa pia, wanafamilia na marafiki wanaendelea kuja na kuleta vitu kama fedha na sigara kwa ndugu zao.

Katika siku za nyuma, baada ya kifo cha matajiri sanamu zao zilichongwa kwa kuni. Ilikuwa imepambwa kwa nguo na mapambo. Zilikuwa hadi na nywele. Ingegharimu zaidi ya dola 1,000 kutengeneza sanamu hiyo.

Kwa njia hii, uhusiano naye hautarajiwi kuvunjwa hata baada ya mazishi.

Matambiko pia yamefanywa kwa miaka mingi ili kuliondoa jeneza na kulisafisha.

Kwa njia hii uhusiano na wazee walioondoka uliendelea dumishwa.