Ni mtu mmoja tu duniani aliye na aina hii ya damu, Je, ni nani na anaishi wapi?

Kundi la 48 la damu, linaloitwa "Guada Negative", limegunduliwa. Kulingana na kile ambacho kimetambuliwa hadi sasa, ni mwanamke mmoja tu ulimwenguni anayesemekana kuwa na kundi hili la damu.

Aina hii ya damu ilitambuliwa kwa mwanamke kutoka kisiwa kinachokaliwa na Ufaransa cha Guadeloupe. Aina ya damu iliitwa Guadeloupe hasi kulitaja eneo analotoka.

Française du Sang (EFS), shirika la kitaifa la damu la Ufaransa, liligundua kundi hili la damu. Ugunduzi huu ulitambuliwa na Jumuiya ya Kimataifa ya Utoaji Damu. Iilitambuliwa kama kundi la 48 la damu. Kundi hili la damu linajulikana kama PIG7.

Kulingana na habari inayopatikana kufikia Juni 2025, ni mtu mmoja tu ulimwenguni aliye na aina hii ya damu.

Damu adimu ina maanisha nini?

Kuamua iwapo kundi hilo la damu ni nadra, ni muhimu kuamua ikiwa kundi hilo la damu lina antijeni ya EMM, ambayo kwa kawaida iko katika damu ya kila mtu.

Ikiwa kundi hilo la damu linapatikana chini ya mtu mmoja kati ya elfu, linaitwa kundi nadra la damu.

Kipengele cha nadra cha kikundi kipya cha damu kilichogunduliwa ni kwamba haina antijeni ya EMM. Antijeni hii ya EMM iko karibu na wanadamu wote. Inapatikana kwenye seli nyekundu za damu kwenye damu.

Inasaidia kushikilia protini fulani pamoja katika seli za damu.

Antijeni hii hutumika kama 'code' ili mwili kutambua seli nyekundu za damu katika damu kama seli zake.

Iliamuliwa vipi?

Mnamo 2011, mwanamke mwenye umri wa miaka 54 kutoka Guadeloupe alifanyiwa vipimo vya damu kabla ya upasuaji. Wakati huo, madaktari wa Ufaransa waliona mambo fulani yasiyo ya kawaida katika damu yake.

Damu yake haikufanana na kundi lolote la damu, lakini hakukuwa na teknolojia ya hali ya juu iliyopatikana wakati huo ili kujua kwa nini damu yake ilikuwa hivyo.

Timu ya watafiti, ikiwa ni pamoja na Thierry Bernard na Slim Assouci kutoka Taasisi ya Taifa ya Damu ya Ufaransa, walifanya mfululizo wa tafiti juu ya hili.

2019 walianzisha mbinu za hali ya juu katika mpangilio wa jenomu.

Mtafiti Thierry Bernard alisema kwamba lahaja ya jeni inayohusika na aina mpya ya damu ilitambuliwa tu baada ya teknolojia kupatikana ili kuingiza kwa haraka na kwa mpangilio idadi kubwa ya jeni.

Tofauti hii ya maumbile inazuia utengenezaji wa antijeni hii ya EMM.

Kundi hili la damu lilikuja vipi?

Wazazi wote wawili wa mwanamke aliye na kundi hili damu la Quadra wana jeni ya kinasaba iliyo hapo juu.

Kwa hivyo, alirithi jeni ya maumbile. Thierry Bernard anasema kuwa yeye ndiye mtu pekee duniani mwenye aina hii ya damu, na hawezi kupokea damu kutoka kwa mtu mwingine yeyote.

Kwa sababu karibu kila mtu ana antijeni ya EMM, hawezi kupokea mchango wa damu kutoka kwa mtu mwingine.

Pia, jitihada zinaendelea ili kujua ikiwa kuna watu wengine wowote walio na kundi moja la damu kwenye au karibu na Kisiwa chake cha asili cha Guadeloupe.

Changamoto zinazowakabili wale walio na aina adimu za damu

Watu walio na aina hiyo ya damu adimu wanaweza tu kupokea damu kutoka kwa watu walio na aina moja ya damu.

Ikiwa damu tofauti inaongezwa, antijeni ambayo haipo katika damu ya mtu huingia ndani ya mwili. Mwili haukubali antijeni hiyo.

"Uhamisho wa damu tofauti ya kundi la damu wakati mwingine unaweza kuwa mbaya. Kikundi nadra cha damu kinachoitwa kundi la damu la Bombay halina antijeni ya H. Karibu sisi sote tuna antijeni. Kwa hiyo, tahadhari zinapaswa kuchukuliwa wakati wa kuongezewa damu kwa watu walio na kundi la damu la Bombay. Hata hivyo, kuna njia ambapo watu wenye makundi hayo ya damu nadra wanaweza kusambaza damu yao wenyewe, "anasema mtaalamu wa microbiologist Shanmuka.

"Watu kama hao wanaweza kuchangia na kuhifadhi damu yao wenyewe. Vipengele tofauti vya damu vinaweza kuhifadhiwa kando. Baadhi ya vipengele vinaweza kuhifadhiwa hadi mwaka mmoja. Vijenzi kama vile plasma bila antijeni vinaweza kupatikana kutoka kwa wafadhili wowote," alisema.

Imetafsiriwa na Seif Abdalla