Ciidamada Ilaalada Kacaanka Islaamiga ah ayaa digniin ay soo saareen ka digay "weerar ba'an" oo jawaab celin ah, iyagoo sheegay inay weerari doonaan saldhigyada Mareykanka iyo Israa'iil.
Abdishukri Haybe
Xigashada Sawirka, Getty Images
iraan ayaa gantaallo horleh u riday dhanka Israa’iil, sida ay sheegeen ciidanka difaaca Israa’iil.
Difaaca cirka ayaa hadda howlgalaya si ay u joojiyaan khatarta soo socota. Dadka ku nool ayaa waxaa loo diray digniino taleefan oo ku wargelinaya in ay galaan meelaha gabaadka ah ah ilaa amar dambe la siiyo.
Xigashada Sawirka, Getty Images
Ciidamada Israa’iil waxay ku dhawaaqeen in xooggooda cirka uu “duqeyn ku sameeyay oo burburiyay” xarunta Warfaafinta Iiraan, taasoo qayb ka ah olole socda oo ka dhan ah Jamhuuriyadda Islaamiga ah.
War-saxaafadeed, waxaa lagu sheegay: “Hawlgalada ka dhacay Xarunta Warbaahinta iyo Faafinta waxaa fuliyay oo maamulay Ciidamada Ilaalada Kacaanka Iiraan. Sanado badan, Ururka Baahinta iyo Telefishanka Iiraan wuxuu ku baaqayay burburinta Dowladda Israa’iil iyo isticmaalka hubka nukliyeerka.”
Xigashada Sawirka, Reuters
Mas’uul ka tirsan Iiraan ayaa sheegay in Iiraan ay “dab ku shubi doonto cid kasta oo isku dayda inay ka gudubto” Gacanka Hormuz.
Digniintan waxa bixiyay Ebrahim Jabbari, oo lataliye u ah Taliyaha Sare ee Ciidamada Ilaalada Kacaanka Islaamiga ah ee Iiraan (IRGC), isagoo ka hadlayay telefishinka dowladda.
Wuxuu xaqiijiyay in gacanku xidhanyahay yahay wuxuuna digniin u diray maraakiibta: “Kuma imaan karaan gobolkan. Shaki kuma jiro inay helayaan jawaab adag oo naga timaadda.”
Jabbari sidoo kale wuxuu sheegay in Maraykanku “u oomanyahiin saliida gobolka” isla markaana Iiraan ay “weerari doonto dhuumaha shidaalka ee gobolka oo aysan ogolaan doonin in saliid laga dhoofiyo aaggaas.”
Gacanka Hormuz waa mid ka mid ah waddooyinka ugu muhiimsan ee maraakiibta adduunka iyo meesha ugu muhiimsan ee gaadiidka shidaalka. Qiyaastii shan meelood meel saliidda iyo gaaska adduunka ayaa ka gudba gacankan.
Xigashada Sawirka, Getty Images
Ciidanka Kuweyt ayaa Isniintii ku dhawaaqay geerida laba ka mid ah ciidankooda badda, iyagoo gudanayay waajibaadkooda, balse ma aysan shaacin duruufaha ay ku geeriyoodeen.
Ciidanka ayaa bayaan ay baahisay Wakaaladda Wararka Kuweyt ku sheegay in Taliska Guud ee Ciidanku uu tacsi u dirayo Sarreeye Walid Majeed Suleiman, oo ka tirsanaa ciidanka badda.
Ciidanka ayaa markii dambe soo saaray bayaan kale oo ay ku tacsiyeynayaan “Sarreeye Abdul Aziz Abdul Mohsen Dakhel Nasser”.
Labada bayaanba waxay muujinayeen in labada askari ay ku geeriyoodeen “iyagoo gudanaya waajibaadkooda qaran ee ku jira hawlaha loo igmaday ciidamada qalabka sida.”
War cusub oo ka soo baxay Taliska Dhexe ee Ciidamada Maraykanka (Centcom) ayaa sheegaya in lix askari oo Maraykan ah lagu dilay dagaal ilaa 16:00 galabnimo waqtiga bariga Isniintii.
Warbixintu waxay intaas ku dartay in ciidamada Maraykanku soo heleen maydadka laba askari oo hore loo la’aa, kuwaas oo ku sugnaa xarun lagu dhuftay weerarradii hore ee Iiraan ka bilowday gobolka.
Hawlgalada waaweyn ee dagaalka ayaa weli socda, ayay warbixintu ku dartay.
Xigashada Sawirka, Getty Images
In ka badan toban askari oo Maraykan ah ayaa “si daran u dhaawacmay” howlgalada Iiran
Illaa subaxnimadii Isniinta, 18 askari oo Maraykan ah ayaa “si daran u dhaawacmay” intii lagu jiray howlgalka ka dhanka ah Iiraan, sida Taliska Dhexe ee Mareykanka (Centcom) uu u sheegay warbaahinta CBS NEWS oo bahwadaag la’ah BBC-da
Xigashada Sawirka, Getty Images
Dhowr diyaaradood oo Mareykan ah ayaa ka baxay saldhigyada milatari ee Rota iyo Morón ee koonfurta Spain, kaddib markii dowladda Isbaanishku ay u diidday Washington oggolaansho ay ku isticmaasho xarumaha si wadajir ah loo maamulo si loogu qaado tallaabo milatari oo ka dhan ah Iiraan.
Wasiirka Arrimaha Dibadda José Manuel Albares ayaa sheegay in Isbayn aysan oggolaan doonin in dhulkeeda loo adeegsado “wax kasta oo aan waafaqsanayn Axdiga Qaramada Midoobay”.
Go’aankani wuxuu Spain ka hor keenayaa dhowr dal oo kale oo Yurub ah oo ay wada shaqeeyaan.
Inkastoo Xoghayaha Guud ee Nato Mark Rutte uu BBC News u sheegay in Yurub ay “si buuxda u taageersan tahay” tallaabada Mareykanka ee Iiraan, Ra’iisul Wasaaraha Spain Pedro Sánchez ayaa cambaareeyay waxa uu ku tilmaamay “tallaabo milatari oo hal dhinac ah” oo ay Mareykanka iyo Israa’iil ka fuliyeen Iiraan.
Xigashada Sawirka, Getty Images
Waaxda Arrimaha Dibadda ee Mareykanka, iyada oo maraysa Barnaamijka Smart Traveler Enforcement Program (STEP), ayaa soo saartay digniin amni oo iimayl ah oo ku saabsan xaaladda ka jirta gobolka.
Kuwa iska diiwaangeliyay “STEP” loo yaqaan ayaa helay digniin amni oo iimayl ahaan lagu soo diray, taasoo la xidhiidha xaaladda Urdun.
Bayaanka rasmiga ah ayaa faahfaahiyay tallaabooyinka taxaddarka ah ee soo socda:
Daadgureynta xarunta: Dhammaan shaqaalaha Safaaradda Mareykanka ayaa si ku-meelgaar ah uga baxay dhismaha safaaradda. Go’aankan waxa uu ka dhashay habayn amni, inkastoo faahfaahintiisa aan la shaacin. Digniintu waxay adkaysay in bixitaanku ku salaysnaa mabda’a “taxaddar aad u sarreeya”. Tallaabadan waxay timid iyadoo la eegayo duruufaha hadda ka jira gobolka iyo xiisadaha sii kordhaya, taasoo keentay in la kordhiyo heerka tallaabooyinka ka hortagga ah si loo ilaaliyo xarumaha diblomaasiyadeed, sida lagu sheegay ogeysiiska.
Xigashada Sawirka, Getty Images
Wakaaladda wararka Iiraan ee Tasnim, oo xiriir la leh Ilaalada Kacaanka, ayaa markii ugu horreysay daabacday liis xaqiijinaya dilka toddobo taliye oo ka tirsanaa ciidamada qalabka sida.
Magacyadu waa sidan:
Sarreeye Guuto Mohammad Shirazi, Madaxa Xafiiska Taliyaha Guud ee Ciidamada Qalabka Sida Sarreeye Guuto Saleh Asadi, Ku-xigeenka Madaxa Taliska Guud ee Arrimaha Sirdoonka Sarreeye Guud Duuliye Mohsen Darreh Baghi, Ku-xigeenka Arrimaha Saadka iyo Taageerada ee Ciidamada Qalabka Sida Sarreeye Guuto Akbar Ebrahimzadeh, Ku-xigeenka Madaxa Shaqaalaha ee Taliyaha Guud Sarreeye Guuto Gholam Reza Rezaeian, Madaxa Sirdoonka ee Taliska Ciidamada Amniga Gudaha Sarreeye Guuto Bahram Hosseini Motlaq, Madaxa Qorsheynta iyo Hawlgallada ee Qaybta Hawlgallada Taliska Guud Sarreeye Guuto Hassan Ali Tajik, Madaxa Waaxda Saadka ee Taliska Guud ee Ciidamada Qalabka Sida
"Haddii cadowgu ka hadlayo wadahadallo, waxay tahay inuu dadkii Iiraan u riixo inay isu dhiibaan."
Xigashada Sawirka, ..
Sawirro dayax-gacmeed oo maanta la qaaday ayaa muujinaya burbur ka jira deked ciidan badeed oo Iiraan ku leedahay marin-biyoodka Hormuz, agagaarka magaalada Bandar Abbas.
Sawirradaas, ugu yaraan hal markab ayaa u muuqda inuu soo gaaray burbur, iyadoo qiiq madow ka kacayo.
Dhererkiisu qiyaastii waa 230 mitir (750 fiit), wuxuuna ka mid yahay maraakiibta waaweyn ee badanaa lagu arko dekedda ku taalla koonfurta Iiraan, wuxuuna leeyahay astaamo muuqaal ah oo la jaanqaadaya markab nooca Makran ah oo saldhig hore u ah, kaasoo ay maamusho Ciidanka Badda Iiraan.
Xigashada Sawirka, Getty Images
Taliska Dhexe ee Mareykanka (Centcom) ayaa sheegay inuu quusiyey 11 markab oo Iiraan leedahay oo ku sugnaa Gacanka Cumaan, taasoo ka dhigtay in Iiraan aysan wax markab ah uga hadhin aaggaas.
“Laba maalmood ka hor, nidaamka Iiraan wuxuu Gacanka Cumaan ku lahaa 11 markab, maanta waxay haystaan EBER.
“Nidaamka Iiraan wuxuu tobannaan sano ku handadayay kuna weerarayay maraakiibta caalamiga ah ee ku socda Gacanka Cumaan. Maalmahaas way dhammaadeen. Xorriyadda isu-socodka maraakiibta badda ayaa saldhig u ahayd barwaaqada dhaqaale ee Mareykanka iyo tan caalamka in ka badan 80 sano. Ciidamada Mareykanka way sii wadi doonaan difaaceeda,” ayuu taliska Centcom ku qoray bartiisa X.
Xigashada Sawirka, Getty Images
Afhayeenka Aqalka Cad Karoline Leavitt ayaa sheegtay in “49 ka mid ah hoggaamiyeyaasha ugu sarreeya nidaamka Iiraan” lagu dilay duqeymaha ka dhacay Iiraan.
Qoraal ay ku daabacday baraha bulshada ayay ku faahfaahisay ujeeddooyinka howlgalka Mareykanka, kuwaas oo ay ku jirto “ka hortagga nidaamkan xagjirka ah” inuu halis geliyo Mareykanka.
“Dilidda argagixisada waa wax u wanaagsan Mareykanka. 49 ka mid ah hoggaamiyeyaasha ugu sarreeya nidaamka Iiraan oo uu ku jiro Hoggaamiyaha Sare Ayatollah Ali Khamenei horey ayaa looga tiray dusha sare ee dhulka intii lagu jiray duqeymihii bilowga ahaa ee Howlgalka Epic Fury,” ayay tidhi.
Xigashada Sawirka, Reuters
Qaraxyo aad u xoog badan ayaa wax yar ka hor laga maqlay Beirut oo aamusan.
Ugu yaraan shan qarax oo xooggan ayaa ka dhacay waddooyinka maran ee magaalada, mid walba oo aad u dhow ayaa laga dareemayay inuu si toos ah u qarxay. Daaqadaha gurigayga ayaa si aad ah u ruxmaxay mowjadaha naxdinta leh.
Asxaabtii iyo asxaabtiiba waxay fariin u direen ilbiriqsiyo gudahood.
Warbaahinta gudaha ayaa sheegaysa in qaraxyadan mar kale lala beegsaday xaafadda Dahieh.
Hoos ka akhri sheekooyinka Bariga Dhexe:
Madaxweynaha Mareykanka ayaa markaas kadib sheegay in barnaamijka gantaallada Iran uu ahaa mid loogu talagalay in lagu difaaco horumarinta hubka nukliyeerka.
Trump waxa uu sheegay in markii uu Maraykanku ahaa dalka doonayay in arrintan la joojiyo, "qof walba wuu naga dambeeyay".
Waxa uu sheegay in maamulka Iran oo ku hubaysan hubka nukliyeerka ah iyo gantaalada riddada dheer ay “khatar aan loo dulqaadan karin” ku noqon doonaan Bariga Dhexe iyo waliba shacabka Maraykanka.
Madaxweyne Trump ayaa xafladda ku bilaabay "warbixin kooban" oo ku saabsan "Howlgalka Carada Weyn".
Maraykanku wuxuu sii wadaa inuu "hawlgallo dagaal oo baaxad leh" ka fuliyo Iran, ayuu yiri madaxweynaha, si meesha looga saaro khataraha ka imaanaya taliska Iran.
Waxa uu sheegay in Iran ay iska dhego tirtay digniinta Mareykanka oo ay “ diidday inay joojiso baacsiga hubka nukliyeerka ah”.
Kadib bilaabashada oo dib u dhacday, Madaxweyne Trump ayaa haatan ku sugan goobta uu hadalka ka jeedin doono.
Waxaa la filayaa inuu ka hadlo xafladda Medal of Honor, balse waxaan ka sugeynaa haddii uu ka hadlo Iran.
Halkan ayaad kala socon kartaa hadalkiisa.
Waxaan wali sugeynaa in Trump uu bilaabo hadalka, laakiin waxaan idiin heynaa xoogaa warar deg deg ah oo Qadar ku saabsan.
Wasaaradda difaaca ee dalkaasi ayaa sheegtay inay soo rideen laba diyaaradood oo SU24 ah oo ka yimid dalka Iran.
Waxa ay sidoo kale sheegtay in ay qabatay toddobo gantaal oo ballistic ah iyo shan diyaaradood oo kuwa aan duuliyaha lahayn ah "kuwaasi oo maanta lala beegsaday goobo dhowr ah oo ka tirsan gobolka".
Dhammaan gantaallada waa la soo riday ka hor inta aysan gaarin bartilmaameedkooda, ayay raacisay.
Hoos ka akhri sheekooyinka Bariga Dhexe:
Madaxweyne Trump ayaa lagu wadaa in uu hadlo daqiiqadaha soo socda balse mar sii horeysay waxa uu khadka taleefoonka kula hadlay wariyaha CNN Jake Tapper mudo 9 daqiiqo ah isaga oo sheegay in mowjadihii ugu waynaa ee howlgalka Iran y wali soo socdaan.
"Waan u dhammeyneynaa," Trump ayaa la sheegay inuu u sheegay Tapper. "Waxaan u maleynayaa inay si wanaagsan u socoto, aad bay u awood badan tahay, waxaan leennahay militariga ugu weyn adduunka, waana isticmaaleynaa."
Waxa uu intaa ku daray: "Xitaa ma aanan bilaabin inaan si adag u garaacno. Hirarka weyn xitaa ma dhicin. Midka weyn ayaa soo socda dhawaan."
Madaxweynaha Mareykanka oo wax laga weydiiyay ilaa inta uu dagaalku socon doono, wuxuu sheegay muddo bil ah. "Ma doonayo inaan arko inay aad u dheer tahay. Waxaan had iyo jeer u maleynayay inay noqon doonto afar toddobaad. Wax yarna waan ka horraynay jadwalka, "ayuu yiri.
Hoos ka akhri sheekooyinka Bariga Dhexe:
Muuqaal ay BBC-du xaqiijisay ayaa u muuqda mid muujinaya xilliga ay diyaarad F-15 ah oo cirka ka soo dhacday oo ku dhacday dhulka u dhow magaalada Kuwait.
Muuqaalka ayaa laga soo duubay dhanka galbeed ee magaalada, oo ku taal cirifka deegaanka Al Jahra. Taliska dhexe ee Mareykanka ayaa markii dambe sheegay in saddex diyaaradood oo F-15 ah oo Mareykan ah ay u soo dhacday “dhacdo saaxiibtinimo awgeed”.
Waxay intaas ku dartay in dhammaan lixdii shaqaalihii diyaaradda "lagu soo saaray si nabad ah" ayna xaaladdoodu wanaagsan tahay.
Hoos ka daawo muuqaalka:
