ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
අසේල සහ ප්රසන්නට හමුදාවේ උසස්වීම්
ශ්රී ලංකාව වෙනුවෙන් ජාත්යන්තර ක්රිකට් ක්ෂේත්රයේ විශිෂ්ඨ දස්කම් පෑ හමුදා නිලධාරීන් දෙදෙනකු ට උසස්වීම් ලබා දුන් බව ශ්රී ලංකා යුද හමුදාව පවසයි.
පසුගියදා ඕස්ට්රේලියාවේ පැවති විස්සයි 20 ක්රිකට් තරගාවලියේ දී තරගයේ ශූරයා සම්මානය දිනාගත් අසේල ගුණරත්න, යුද හමුදාපති ලුතිනන් ජනරාල් ක්රිශාන්ත ද සිල්වා විසින් සැරයන් තනතුරේ සිට බලලත් නිලධාරී - II තනතුරට උසස් කරන ලද බව යුද හමුදාව නිකුත් කළ නිවේදනයක සඳහන් වේ.
විස්සයි විස්ස තරගාවලියේ අසේල ගුණරත්න ගේ ප්රහාරාත්මක පිතිහරඹය ක්රීඩාලෝලීන් මෙන්ම දෙස්, විදෙස් ක්රීඩා විචාරකයන්ගේ ද ප්රසාදයට ලක්විය.
ඊට පෙරාතුව දකුණු අප්රිකාව සමඟ පැවති ක්රිකට් තරගාවලියේ දී සුවිශේෂි දස්කම් දැක්වූ සික්කුගේ ප්රසන්න, බලලත් නිලධාරී - II තනතුරේ සිට බලලත් නිලධාරී - I තනතුරට උසස් කරන ලද බවත් යුද හමුදාව පවසයි.
