Wizkid shine for di American Music Awards - See oda pipo wey win

Wizkid

Wia dis foto come from, Getty Images

Wetin we call dis foto, Wizkid shine for di American Music Awards

Nigerian music star, Ayodeji Balogun wey many pipo sabi as Wizkid don make history as e become di first to take home di Favourite Afrobeats Artiste award for di 50th American Music Awards (AMAs).

Dis na di first time organizers of di award go introduce di Favourite Afrobeat Artiste category.

Starboy bin contend wit oda Nigerian singers like Burna Boy, CKay, Fireboy, DML and Tems to finally win di award.

Im ‘Essence’ album wey e feature Tems also collect award for di ‘Favourite R&B song’ category. E win ogbonge mucians wey include Beyonce, Bruno Mars and odas wey dey di category.

Di American Music Awards congratulate am for dia official twitter handle.

Skip X post
Allow X content?

Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

Warning: Di BBC no dey responsible for di content of external sites.

End of X post

Wizkid and Tems

Wia dis foto come from, TEMS

Wetin we call dis foto, Wizkid and Tems win award for di American Music Awards

Anoda song wey Tems collabo do wit Drake, Future: Wait For U also win di award for di Favourite Hip Hop song.

Di annual AMA event wey hold for Microsoft Theatre for California on Sunday, 20 November, 2022 dey celebrate di year top achievements in music and na fans dey determine who go win.

Crowd boo Chris Brown for di AMAs award

Kelly Rowland

Wia dis foto come from, Getty Images

Wetin we call dis foto, Di former Destiny Child star bin accept award on behalf of Chris Brown

American musician Kelly Rowland bin ask di audience for di American Music Awards to "chill out" afta dem boo Chris Brown afta e win di award for di best male R&B artist.

Brown bin get issues wit pipo since e plead guilty say im dey assault im ex-girlfriend Rihanna for 2009.

E no attend di Sunday AMAs sake of say e suppose dey one event to honour di 40th anniversary of Michael Jackson blockbuster Thriller album for Los Angeles but organisers later cancel di event.

Rowland, wey accept di award on im behalf dey surprised by di audience reaction.

"Excuse me... chill out," she tok as di cameras move to show di audience, some of dem dey boo and dey make oda unclear remarks about Chris Brown.

Rowland thank Brown say na ogbonge performer e be and for making great R&B music. 

Artists wey perform for di award

Plenty ogbonge artists perform for di 2022 AMAs award, wey include, Imagine Dragons, Carrie Underwood and Pink – wey give correct rendition of Grease Hopelessly Devoted To You in tribute to Olivia Newton John, wey die last month.

Stevie Wonder and Charlie Puth perform Three Times a Lady, Easy, All Night Long (All Night), Say You, Say Me, Brick House and Jesus Is Love.

Lionel Richie collect di Icon Award, wey honour im legacy of hits wit di Commodores and as a solo artist.

Highlights of di award

Taylor Swift

Wia dis foto come from, Getty Images

Wetin we call dis foto, Swift wit one of her 40 American Music Awards

Taylor Swift na di night biggest winner, she win for all di six categories dem nominate her for plus di night top prize - artist of di year.

"I get di fans to thank essentially for my happiness," di singer tok.

She also win album of di year for Red (Taylor's Version).

Swift now get a lifetime total of 40 AMAs and dis don make her di most successful artist for di history of di fan-voted awards ceremony. 

Full list of winners:

  • Artist of the year - Taylor Swift
  • Best new artist - Dove Cameron
  • Collaboration of the year - Elton John & Dua Lipa: Cold Heart (Pnau Remix)
  • Favourite touring artist - Coldplay
  • Favourite music video - Taylor Swift: All Too Well (Taylor's Version)
  • Favourite male pop artist - Harry Styles
  • Favourite female pop artist - Taylor Swift
  • Favourite pop duo or group - BTS
  • Favourite pop album - Taylor Swift; Red (Taylor's Version)
Carrie Underwood

Wia dis foto come from, Getty Images

Wetin we call dis foto, Carrie Underwood perform one 80s-inspired version of Crazy Angels
  • Favourite pop song - Harry Styles: As It Was
  • Favourite male country artist - Morgan Wallen
  • Favourite female country artist - Taylor Swift
  • Favourite country duo or group - Dan & Shay
  • Favourite country album - Taylor Swift; Red (Taylor's Version)
  • Favourite country song - Morgan Wallen: Wasted On You
  • Favourite male hip-hop artist -Kendrick Lamar
  • Favourite female hip-hop artist - Nicki Minaj
  • Favourite hip-hop album - Kendrick Lamar: Mr Morale & The Big Steppers
  • Favourite hip-hop song - Future: Wait For U (feat Drake & Tems)
Former Eurovision winners Maneskin

Wia dis foto come from, Getty Images

Wetin we call dis foto, Future: Wait For U
  • Favourite male R&B artist - Chris Brown
  • Favourite female R&B artist - Beyoncé
  • Favourite R&B album - Beyoncé: Renaissance
  • Favourite R&B song - Wizkid: Wizkid ft. Tems “Essence”
  • Favourite male Latin artist - Bad Bunny
  • Favourite female Latin artist - Anitta
  • Favourite Latin duo or group - Yahritza Y Su Esencia
  • Favourite Latin album - Bad Bunny: Un Verano Sin Ti
  • Favourite Latin song - Sebastián Yatra: Dos Oruguitas
  • Favourite rock artist - Machine Gun KellyFavourite rock song - Maneskin: Beggin'
Anitta and Missy Elliot

Wia dis foto come from, Getty Images

Wetin we call dis foto, Missy Elliot join Brazilian star Anitta for one ogbonge performance
  • Favourite rock album - Ghost: Impera
  • Favourite inspirational artist - For King & Country
  • Favourite gospel artist - Tamela Mann
  • Favourite dance artist - Marshmello
  • Favourite soundtrack - Elvis
  • Favourite Afrobeats artist - Wizkid
  • Favourite K-Pop artist - BTS