بېنظيربوټو په خپل هغه وصيت کې چې د تېر اکتوبر په ١٦ يې کړى و، ويلي چې زرداري دې تر هغه د گوندلنډمهاله مشر وي څو چې دايمي مشر ټاکل کېږي .

خو په تېر ديسمبر کې د بېنظيرې د وژل کېدو وروسته د پيپلز پارټۍ ددا ډول وصيت نه مني .

د پيپلزپارټۍ وياند وايي چې اوس دا وخت رارسېدلى دى چې د نوموړي وصيت منځپانگه دې په ډاگه کړاى شي چې خپرو شوو گنگوسو ته د پاى ټکى کېښودل شي.

خو شننونکي بيا وايي چې نوموړى وصيت به د بېنظيرې د مېړۀ اصف زرداي سياسي دريځ لا نورهم پياوړى کړي.

زرداري اوس مهال په داسې حال کې د پارټۍ مشري پر غاړه لري چې د نوموړي ١٩ کلن زوى بلاول يوازې په تش نامه د پيپلزگوند مشرۍ ته خوشاله دى.

وصيت:

بېنظيربوټو په خپل هغه وصيت کې چې د تېر اکتوبر په ١٦ يې کړى و، ويلي چې زرداري دې تر هغه د گوندلنډمهاله مشر وي څو چې دايمي مشر نه وي ټاکل شوى .

آغلې بوټو په خپل وصيت کې دا هم ويلي چې:'' ما زرداري د گوند د مشرۍ لپاره ځکه وټاکۀ چې هغه يو زړور او شريف سړى دى، ١١ نيم کاله يې د زندان په تورو تيارو کې تېر کړل، خو له خپل دريځ څخه وانه وښت او د نوموړي سياسي دريځ به د پيپلزگوند يو موټى وساتي.''

د بېنظيربوټو د وصيت د يوې برخې لپاره دلته کېکاږئ

د بېنظيرې له وژل کېدو وروسته زرداري هم د گوند د چارو مسووليت پر غاړه
واخىست.

د پيپلزپارټۍ وياندې شيري رحمن خبريالانو ته وويل:'' ځينې کسان هڅه کوي چې د بوټو د وصيت په اړه په گوندکې بابېزه دروغجنې گنگوسې جوړې کړي، له دې امله گوند پرېکړه وکړه چې د بوټو وصيت د رسنيو تر غوږونو ورسوي. ''

بېنظيربوټو تېر ديسمبر په راولپېڼدۍکې ووژل شوه.