دا لومړى ځل و چې بلاول بوټو زرداري د خپل گوند د مشرتابۀ له ترلاسه کولو وروسته د نړيوالو رسنيو پوښتنې ځوابولې

بلاول بوټو زرداري چې د انگلستان په اکسفورډ پوهنتون کې په زدکړو بوخت دى د خپلې مور د وژنې له پېښې وروسته په لومړي ځل په لندن کې د خبريالانو پوښتنو ته ځواب وايۀ .

دا لومړى ځل و چې دغه ١٩ کلن د پيپلز گوند د مشر په توگه د نړيوالو رسنيو په وړاندې خبرې کولې او ځوابونه يې ورکول .

دۀ وويل دى ، د دۀ کورنۍ او د پاکستان پيپلز گوند د بېنظير بوټو د وژنې په برخه کې د پاکستان د حکومت پر پلټنو باور نه لري .

ښاغلي بوټو زرداري له رسنيو وغوښتل چې د زده کړو پر وخت دې يې يوازې پريږدي .

دۀ د پيپلز گوند د مشرتابۀ د مقام په باب وويل چې دا د دغه گوند د مرکزي کمېټې د گډ نظر څرگندوي کوي .

دۀ دا هم وويل چې دغه مقام يې ځکه منلى چې د دۀ په وينا سياست يې په وينه کې اخښلى دى .

د بېنظير بوټو د ځاى ناستي د ټاکنې پر وخت د هغې خاوند د بلاول پلار اصف زرداري ويلي و چې اغلې بوټو وصيت ليکلى او بلاول يې د مشر په توگه غوښتى دى .

په همدې ترڅ کې رپوټونه وايي چې ولسمشر پرويز مشرف لو کړې چې د بېنظير بوټو وژونکي به مومي او محاکمې ته به يې راکاږي .