بي بي سي پښتو ټکى کام کابل

	داسې وېره ده چې ستره محکمه ښايي اعلان وکړ ي چې جنرال مشرف د تېرې مياشتې په ټاکنو کې د کانديدۍ حق نه درلود

د خصوصي تلوېزيونونو خپرونې له دغۀ اعلانه لږ مخکې بندې شوې دي.

راپورونه وايي ستره محکمه چې قاضيان هم پکې دننه دي د پوليسو لخوا محاصره شوې ده.
جنرال مشرف د سترې محکمې هغې پرېکړې ته سترگې پرلاره دى چې ايا تېره مياشت دى د دې وړ و چې ټاکنو ته ودرېږي که يا. ستره محکمه پر دې غور کوي چې د پوځ د مشرۍ له ساتلو سره سره په قانوني توگه مشرف د دې جوگه و چې د ولسمشرۍ د ټاکنو کانديد واوسي. دى لا له مخکې د تېرې مياشتې د ټولټاکنو مشروط گټونکى نومول شوى، خو د محکې دغه پرېکړه به لا هم برخليک ټاکونکي وي.

عيني شاهدانو وويل چې د دولتي راډيو او تلوېزيون د ننه هم نيمه پوځي ځواکونه ځاى پر ځاى شوي دي.

دا وېره په زياتېدو ده چې ښايي د سترې محکمې پرېکړه د جنرال مشرف د ولسمشر کېدلو په ضد راووځي

راپورونه وايي گرځنده او مزي لرونکي ټيليفونونه په اسلام اباد کې له کاره لوېدلي دي.

پاکستان په تېر جولاى مياشت کې د اسلام اباد د سرۀ جومات له محاصرې وروسته د خونړيو پېښو شاهد دى. طالب پلوه اورپکي په وروستيو کې پاکستان ته د يوۀ غټ سرخوږي په توگه راڅرگند شوي چې په سلگونو پوځيان يې وژلي او تښتولي.

دا وېره په زياتېدو ده چې ښايي د سترې محکمې پرېکړه د جنرال مشرف د ولسمشر کېدلو په ضد راووځي.

خصوصي تلوېزيوني چينلونه د بېړني حالت له اعلانېدو لږ مخکې بند شول. جيو تلوېزيون او ډان ورځپاڼې لا له مخکې نن د سرچينو له خولې ويلي و چې ښاغلي مشرف د بېړني حالت تابيا کړې ده.

تمه ده چې کابينه به ډېر ژر يوه ځانگړې غونډه وکړي.

ځينې راپورونه وايي په بېړني حالت کې ښايي اساسي قانون هم وځنډول شي.