ایران: له بګرامه راتلونکی جاسوس مو نیولی
تهران وايي چې ایران ته له بګرامه یو تلونکی ایراني الاصله جاسوس یې نیولی دی.
د ایران د استخباراتو وزارت ویلي، دغه جاسوس یې افغانستان کې د بګرام هوايي اډې ته تر ننوتلو وروسته پېژندلی چې بیا وروسته یې د ایران په خاوره کې نیولی دی.
د دغه وزارت یوه خپره شوې ویناپاڼه کاږي، دغه جاسوس د جاسوسۍ له دندې ورسپارلو راهیسې د ایراني امنيتي سازمانونو له څارنې لاندې و.
<link type="page"><caption> اسرايل: ايراني الاصله اسرايلى جاسوس مو ونيو</caption><url href="http://www.bbc.co.uk/pashto/news/story/2008/05/080526_hhf-spy-arrest-israel.shtml" platform="highweb"/></link>
<link type="page"><caption> اسراييلي جاسوس ته ايران د مرگ سزا واوروله</caption><url href="http://www.bbc.co.uk/pashto/news/story/2008/06/080630_hf-israeli-spy-iran.shtml" platform="highweb"/></link>
د ایران په خاوره کې د دغه امریکايي جاسوس خبر پرداسې مهال خپور شوی، چې په دې وروستیو کې ایران پخپله خاوره کې د امریکا د یوې جاسوسي بې پیلوټه الوتکې د نیولو خبر ورکړی.
له دې سره د ایران خړ پړ اړيکي لاپسې ترینګلي شول.
ایران وايي چې نیول شوی جاسوس د امریکا د مرکزي څارګرې ادارې غړی دی، چې په وینا یې د امریکا په پوځ، په افغانستان او عراق کې د امریکايي پوځیانو په اډو کې یې هم وخت تېر کړی.
