تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
واورین توپان نژدې ۲۰۰ میلیونه امریکایان اغېزمن کړي
په امریکا کې یو سخت واورین توپان له کبله لږ تر لږه ۱۹ کسان مړه شوي دي. د جمعې پر ورځ د امریکا لر او بر کې نژدې یو نیم میلیون کسان له برېښنا بې برخې شول او زرګونه الوتنې وځنډول شوې یا لغوه شوې دي.
دې واورین د امریکا له ټکساس ایالته تر قیوبیک سیمې پورې نژدې ۳۲۰۰ کیلومتره پراخه ساحه لاندې کړې ده. د امریکا تر څنګ په کاناډا کې هم سلګونه زره خلک له همدې کبله له برېښنا بې برخې شوي دي. د دې هېواد له برټس کولمبیا نیولې تر نیوفونډلنډ پورې سیمو کې خورا سخته یخني ده او د ژمني توپان خبردرای خپور شوی دی.
د امریکا په مونتانا ایالت په ځینو سیمو کې د هوا تودوخې درجه تر صفر ان ۴۵ درجې ټیټه شوې او د ټاون اف هیل په نامه ټول ښارګوټی کنګل شوی دی. د توپان له کبله په بېلا بېلو سیمو کې د ګاډو ټکر پېښو رپوټونه هم ورکړل شوي دي او په ځینو سیمو کې بیا د واورو پاکولو ماشینونو کموالي له کبله د تګ، راتګ لویو لارو تړل کېدو رپوټونه هم شته.
د فلائټ ایوور نومی وېبپاڼې د رپوټ له مخې چې د الوتکو تګ راتګ څاري د امریکا په لر او بر کې د جمعې پر ورځ نژدط ۵۶۰۰ الوتنې لغو شوې دي. دا په داسې حال کې ده چې د کال وروستیو ورځو او کرسمس رخصتیو په مناسبت ډېری امریکایان په دې ورځو کې خپلو پلرنیو سیمو ته سفرونه کوي.
د امریکا برېښنا شرکت یو ایس پاور اوټاج مسوولین بیا وايي، د جمعې تر ورځې پورې د دوی یو میلیون مشتریان له برېښنا بې برخې شوي وو. د این ډبلیو ایس نومي خبري شبکې رپوټ ښيي په بېلا بېلو سیمو کې ښايي تر راتلونکو څو ورځو پورې د سختې یخې هوا ګڼ شمېر لسیزې پخواني ریکارډونه یا مات شي او یا نوي جوړ شي.
