د سلمان خان نوي فلم 'بهارت' ریکارډ عاید تر لاسه کړی
د عکس سرچینه، Getty Images
د هندي سینما وتلي ستوري سلمان خان یو ځل بیا ثابته کړې، چې د عاید له پلوه تر خپلو سیالانو مخکښ دی.
د نوموړي فلم په باکس افس کې د ۲۰۱۹ فلمونو په لړۍ کې تر ټولو لوړ عاید کړی دی.
د دغه وتلي ستوري فلم 'بهارت' نژدې دی چې د دوه ملیارده هندي پیسو عاید ریکارډ ته ورسیږي. ویل کیږي دې فلم په لومړۍ اونۍ کې څه باندې ۱،۹ میلیارده هندي پیسې (۲۵،۶ میلیونه ډالر) ګټلې دي.
دا فلم چې د اختر پله لومړۍ ورځ خپور شوی په دې ورځ یې څه باندې شپږ میلیونه ډالره ګټلي دي.
دا په ۲۰۱۹ کې تر ټولو فلمونو په یوه ورځ د ډېر عاید ترلاسه کوونکی فلم بلل شوی دی.
که څه هم د خپرېدو په دویمه او دریمه ورځ یې څه نا څه عاید کم شوی خو ویل کیږي چې دا د خان لپاره د عاید له پلوه تاریخ جوړوونکی فلم دی.
سلمان خان په خپل ټویټر دې فلم ته د خلکو له غبرګون مننه کړې ده.
د عکس سرچینه، Getty Images
په خپرې کړې ویډیو کې هغه د کترینا کیف څنګ ته لاړ ښکاري چې د مینه والو غبرګون ګوري.
د ښاغلي خان مخالفینو هم دا فلم ستایلی او دې خبرې ته په غبرګون کې سلمان خان ویلي، د مخالفینو دې کار ډارولی دی، ځکه دده په وینا دده د موافقینو او مخالفینو رایه هېڅکله سره ورته نه وه.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
په ټویټر هغه لیکلي: "د ټولې مینې او ملاتړ له امله ډېره ډېره مننه چې د بهارت لپاره مو ښودلې."
بهارت فلم د ۱۹۴۷ کال کې د هند ویش نه نیولې تر ۲۰۱۰ کاله د پېښو انځور وړاندې کوي او په دې دوران کې د یوې کورنۍ چې ستونزې ګالي، انځور وړاندې کوي.
