تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
کوم هېواد کې ښوونکي ته تر ټولو ډېر درناوی کېږي؟
یوې نوې سروې کې ویل شوي چین، مالیزیا یا تایوان هغه هېوادونه دي، چې د نړۍ بل هر هېواد پرتله د ښوونکو ډېر درناوی پکې کېږي.
سروې کې ویل شوي برازیل، اسراییل او ایټالیا هغه هېوادونه بلل شوي، چې د ښوونکو درناوي پکې تر ټولو کم دی.
دغه سروې کې له ۳۵ زره کسانو پوښتنې شوې او پایلې ښيي چې چین له ۸۱ نمرو سره د هغو هېوادونو د نوملړ سر کې راځي چې زده کونکي په کې د خپلو ښوونکو ډېر درناوی کوي.
د سروې له مخې اروپا او جنوبي امریکا کې د زده کونکو لخوا ښوونکو ته د درناوي لپاره تر څه حده بدګوماني شته، خو داسې ښکاري چې په ځانګړې توګه اسیا کې د سنګاپور او کوریا په څېر هېوادونو په ګډون ښوونکو ته ډېر درناوی کېږي.
ویل کېږي دغو هېوادونو کې د نړیوالې کچې امتحانونو پایلې هم ښې دي او څېړونکي په دې باور دي، چې که د ښوونکو دندې ته په درنه سترګه وکتل شي د ښوونې او روزنې معیار هم ورسره ښه کېږي.
سروې کې له خلکو یوه پوښتنه دا شوې، چې ایا دوی غواړي چې خپل ماشومان یې راتلونکي کې د ښوونکي یا ښوونکې په توګه دنده وکړي؟
په چین، هند او ګانا کې ډېرو خلکو غوښتل اولادونه یې د راتلونکي وخت ښوونکي شي، خو په روسیه، اسراییل او جاپان کې بیا لږو خلکو هیله ښوولې چې ماشومان یې د ښوونکیو په توګه دنده وکړي.
د دغې سروې پایلې ورکې فاونډېشن نومې خیریه ټولنې خپرې کړې، چې د ښوونکو د خیر ښېګړې لپاره فعالیت کوي.
