په نړۍ کې څلورم لوی پوځي قوت کوم دی؟

دې لپاره چې انټرنېټ مو لږ مصرف شي، یوازې متن ولولئ

شماي کوریا څو زره توپونه لري — د عکس تشریح، شمالي کوریا څو زره توپونه لري

۱ لیندۍ ۱۳۹۶ - ۲۲ نومبر ۲۰۱۷

د کارپوهانو د یوه رپوټ له مخې، شمالي کوریا د پوځي ځواک، دودیزو وسلو او توپخانې له اړخه په نړیواله کچه څلورم لوی پوځي ځواک دی.

که د پیونګ یانګ اتومي قدرت یوې خوا ته کېږدو، د کوریا نیمه ټاپو ترمنځ پوځي اړدوړ ښايي د شمالي کوریا د قوت ړنګېدو په پایله تمام شي.

د ۲۰۱۶ کال د شمېرو له مخې، د شمالي کوریا مساحت ۱۲۰ زره مربع کیلومتره دی، د وګړو شمېر یې ۲۵ میلیونه ښودل شوی دی. د وسله وال ځواک شمېر یې یو میلیون او سل زرو ته رسېږي، یانې د ټولو وګړو کابو پنځه یې سلنه جوړوي.

کوریا کې د اتلس کلنو نارینه وو لپاره عسکري لس کاله او د ښځو لپاره اوه کاله جبري ده، یا دا چې په همدې عمر کې زده کړې بشپړې کړي، عسکري به کوي. دوی به دا موده په پوځي خدمت کې تېروي، یا په وسله والو ځواکونو کې یا په کارخونو کې.

احتیاطي پوځيان

د امریکا د دفاع وزارت د شمېرو له مخې، د شمالي کوریا پوځي لګښت له ۲۰۰۴ کال راهیسې تر ۲۰۱۴ کال پورې درې نیم میلیارده ډالر و.

دا مهال شمالي کوریا په لوی شمېر پټ پلي ځواکونه لري، چې تر ټانکونو او توپونو پورې سپکې او درنې وسلې هم لري او توغندي شنډوونکی سیستم یې د جنوبي کوریا تر پلازمېنې سیول پورې هم رسېدلی شي.

شمالي کوریا ۱۳۰۰ الوتکې لري، چې د پخواني شوروي اتحاد له وخته ورپاتې دي.