تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د اېف بي ای پخوانی مشر د امریکا ټاکنو کې د روسیې لاسوهنه پلټي
د امریکا د مرکزي د فدارلي استخباراتي ادارې یا اېف بي ای پخوانی مشر په تېرو ولسمشرۍ ټاکنو کې د روسیې د ادعا شوې لاسوهنې د پلټنې لپاره وګومارل شو.
مرستیال لوی څارنوال راډ راسینسټین وايي، دې پلټنو ته رابرډ مولرګومارل د امریکا د عامه اړیکو په ګټه کار دی.
"عامه ګټو زه اړ کړم چې دا پلټنه د داسې کس له خوا وشي چې د قومندې له اوسنۍ دودیزې کړۍ ازاد وي".
د امریکا ولسمشر ډونلډ ټرمپ تېره اونۍ د اېف بي ای مشر جېمز کومي له دندې ګوښه کړ او له هغه راهیسې په ټاکنو کې د روسیې د لاسوهنې د پلټلو لپاره د ځانګړي څارنوال د ګومارل غوښتنه کېده.
جېمز کومي هم په تېرو ټاکنو کې د ډونلډ ټرمپ د ټاکنیز کمپیان او مسکو ترمنځ د اړیکو پلټنه کوله.
اېف بي ای او کانګرېس د روسیې او ولسمشر ټرمپ د ټاکنیز کمپیان ترمنځ د اړیکو پلټل غواړي.
د امریکا څارګرې ادارې باوري دي چې مسکو د جمهوریپالو( د اوسني ولسمشر د ګوند) په ګټه د ټاکنو بدلول غوښتل.
د ټرمپ دریځ
د ښاغلي مولر له ګومارلو وروسته د امریکا ولسمشر ویلي چې په نوې پلټنه کې به نوموړی او ډله یې سپینه شي.
خو له ده مخکې سپینې ماڼۍ ویلي و، چې د دې پلټنو لپاره له ادارو د بهری یو کس ګومارلو ته اړتیا نه وه.
ریښتونې پلټنې به هغه څه تایید کړي چې موږ لا د مخه پرې پوهېږو، زما د کمپیان او د بهرنیانو ترمنځ کوم جوړ جاړی نه و.
په مشرانو جرګه کې مهم ډیموکراټ چیک سچومر هم د ښاغلي مولر د ګومارنې هرکلی کړی د دې مسوولیت لپاره خورا ښه غوراوی دی.
په ولسي جرګه کې د لږکیو ډیموکراټانو مشرې نانسي پلوسي هم ښاغلی مولر محترم او د لوی اخلاقي واک لرونکی شخصیت بولي.
خو زیاتوي، چې د نوموړي ګومارل د یوه خپلواک کمېسون په څېر نه دي: خپلواک کمېسون به له نوموړي ډېر واک درلود.
نوموړې د ټرمپ له حکومت دا غواړي چې د پلټنو لپاره باید مولر اړینې سرچینې او خپلواکي ولري.
