ځمکه راتلونکو څو کلونو کې ښايي 'بې سارې ګرمه' شي

یوه تازه مطالعه وايي، چې ځمکه راتلونکو څو کلونو کې "بې سارې یا ناعادي" ګرمي سره مخ کېدلی شي.

څېړونکو د راتلونکو څو کلونو لپاره د ځمکې پر مخ د هوا د اوسط تودوخې د بدلون اټکلولو لپاره یو ریاضي ماډل جوړ کړی دی.

د دې ماډل پایلې ښيي چې د ۲۰۱۸ او ۲۰۲۲ کلونو ترمنځ موده ګې ښايي د اقلیم ګرمېدلو له ډېرو پېښو سره مخ شو.

دا موندنې په نېچر اړیکو مجله کې خپرې شوې دي.

* هغه هېوادونه چې له اندازې ډېر ګرم شوي

* د سویس پولیس: سپیو ته بوټان ور پښو کړئ

* د نړۍ یوه کونج کې سوځنده ګرمي او بل کې وژونکې یخني

د کاربن ډای اکسایډ په څېر د شین کوریز ګاز د زیاتېدو له امله د ګرمۍ زیاتېدلو بهیر یو شان نه دی.

د بېلګې په ډول د ۲۱ پېړۍ لومړیو کلونو کې پوهانو د ځمکې ګرمېدلو په برخه کې تړون ته اشاره وکړه.

خو څو شننې ښيي چې هغه پنځه کلونه له ۲۰۱۰ کال دې خوا ته دي چې د ډېرې ګرمۍ له امله د جدول سر کې ځای لري.

اوس د هوا د درجې اټکلولو تازه لار ښيي چې راتلونکي څو کلونه به له تمې ډېر ګرم وي.

نوې مطالعه

دا مطالعه د فرانسې برسټ ښار کې د سي اېن ار اېس موسسه کې را فلوریان سې ولک او د ساټهمپټن پوهنتون استاد سیبرن ډریفوټ کړې ده.

دوی د اوبو او هوا د ورته والي دودیز تکنیک په ځای د سروې ډوله لار جوړه کړې، چې په مټ یې د ۲۰ او ۲۱ پېړۍ اقلیم ورته کولو هڅه کوي او له مخې یې په داسې شرایطو پسې ګرځي چې له نن سره د پرتلې وړ وي.

دغې ډلې د ورته وضعیت په کارولو سره د راتلونکو احتمالاتو اټکلولو ته مخه کړه.

راتلونکو کلونو کې بې سارې یا ناعادي ګرمي هم په دې نوې طریقه اټکل شوې، وجه یې هم د یخ اقلیم د کم پېښېدو امکان ښودل شوی دی.

دمګړۍ دا نوې طریقه عمومي اوسط یا منځنی ښيي، خو پوهان غواړي په سیمه ییزه کچه یې د اقلیم د اټکل لپاره وکاروي او په مټ یې تودوخه، ورښت او وچکالي هم اټکل کړي.