تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
فیسبوک د شخصي معلوماتو خپرولو له کبله ۳۰۰۰ پونډه جریمه شو
فسبوک کمپنۍ د يوه کس د شخصي معلوماتو د خپرولو په خاطر ۳۰۰۰ پونډه جريمه شوه.
د انګلستان د سترې محکمې يوه قاضي ويلي، دغې ټولنيزې شبکې له شخصي معلوماتو ناوړه ګټه اخیستې ده.
پر دغه کس په يو لړ مراسمو کې د بريتانيا د يووالي بیرغ د لېږدولو له امله د فېسبوک کاروونکو تمرکز کړی و او هغه ته ګڼې سپکې سپورې ويل شوې وې.
دغه کس د فېسبوک پر وړاندې قانوني ګام پورته کړ او ثابته يې کړه چې د شخصي معلوماتو خپرېدل يې پر هغه ملامتي وه.
د یاد سړي نوم جې ۲۰ ښودل شوی، چې د ۲۰۱۲ کال ډسمبر میاشت کې یې د بلفاسډ سیټي هال کې د بریتانیا د یووالي بیرغ لېږداوه.
د ۲۰۱۳ سپټمبر میاشت کې، په یوه صفحه کې د یوه سړي داسې عکس خپور شو، چې د بیرغ مخې ته ولاړ دی.
د سړي په اړه د فیسبوک کاروونکو له خوا ځینې تبصرې او تورونه تر انځور لاندې لیکل شوي وو.
د فیسبوک په اړه د نوموړي په ادعا کې، سړي ته سپکې سپورې وویل شوې، وګواښل شو او له شخصي معلوماتو په ناوړه ګټې اخیستو تورن شو.
