تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
کوټه کې یو پولیس چارواکی وژل شوی او بل ټپي شوی
د بلوچستان په مرکز کوټه کې د پاکستان یو پولیس چارواکی ( ډي اېس پي) وژل شوی او یو بل ټپي شوی دی.
خبریال محمد کاظم ته د کوټې یوه امنیتي چارواکي ویلي د عمر رحمان په نوم دغه امنیتي چارواکی او څارنوال بلال جومات ته روان وو، چې له برید سره مخ شول.
د نوموړي په خبره، په ټپټپي( موټر سایکل) سپرو وسلوالو له جومات سره نږدې پر دواړو ډزې وکړې او سخت یې ټپیان کړل.
دغه چارواکی زیاتوي چې د سختو ټپونو له امله عمر رحمان مړ شو.۔
له دې مخکې د عمر رحمان ورور شمس چې ورته دنده یې درلوده په ځانمرګي برید کې وژل شوی و.
د بلوچستان وزیر اعلی نواب ثناالله زهري پر دې پېښه خواشیني ښودلې او غندلې یې ده.
دا روان کال په کوټه کې پر پولیسو څلورم برید دی.
له دې مخکې په دریو بریدونو کې یو پولیس چارواکی او درې سرتېري وژل شوي وو.
تېر کال هم په بلو چستان کې په چاودنو او هدفي وژنو کې له سلو ډېر پولیس او د نورو امنیتي ادارو کسان وژل شوي وو.
