سوریې ترکي خبریالان خوشې کړل

دوه تنه ترکي خبریالان چې له دوه میاشتو راهیسې په سوریه کې بندیان وو، اوس خپلو کورونو ته پر لار دي.

یو خبریال آدم او د هغه کمره من د مارچ په لومړیو کې د ادلیب په ښار کې د کار پر مهال نیول شوي وو.

په دمشق کې د ترکیې سفارت تړلی او دا کسان د ایران په منځکړیتوب راخوشې شوي دي.

خبریالان اوس تهران ته رسېدلي، له خپلو کورنیو سره یې په تیلفون خبرې کړي او د خپلې روغتیا ډاډ یې ورکړی دی.