دغه کسان په داسې وخت کې تښتول شوي، چې هلته د وسله والو طالبانو او حکومت ترمنځ منځګړي مشر مولانا صوفي محمد ويلي که شريعت پلي نه شي، هغه به خپل اعتراض پيلوي .

دغه کسان منګورې ښار ته روان وو، چې په لاره کې وسله والو کسانو ورته مخه نيولې وه او دوی يې له خپل ځانه سره بوتلل .

دغو امنيتي کسانو له FC سره اړه درلوده، يوه ځايي چارواکي ويلي دوی باوري دي چې دغه کسان طالبانو تښتولي دي، خو طالبانو په دې اړه خپل غبرګون نه دی ښودلی .

د تېرې يکشنبې په ورځ هم په يوه ورته پېښه کې د سوات يو لوړپوړی چارواکی له خپلو شپږو ساتونکو سره تښتول شوی و، چې بيا وروسته خوشی کړای شو .

تر اوسه د دې کسانو د تښتولو پړه چار پرغاړه نه ده اخيستې، خو د تور ګوته وسله والو طالبانو ته نيول کېږي .

	د تحريک نفاذ شريعت محمدي مشر وويل تر هغه چې شريعت نه وي پلي شوی، په سوات کې امن نه شي راتلی .

دغه کسان په داسې وخت کې تښتول شوي، چې هلته د وسله والو طالبانو او حکومت ترمنځ منځګړي مشر مولانا صوفي محمد ويلي که شريعت پلي نه شي، هغه به خپل اعتراض پيلوي .

دا په داسې حال کې د لاقانونه ګرځول شوي تحريک شريعت نفاذ محمدي مشر مولانا صوفي محمد په منګوره کې يوه خبري کنفرانس ته ويلي وو چې له حکومت سره د تړون په اړه ډاډه نه دی .

ده له دواړو غاړو (حکومت او طالبانو) وغوښتل چې د روانې مارچ مياشتې تر پنځه لسمې پورې خپل خپل بنديان پرېږدي .

همدارنګه صوفي محمد خبرداری ورکړ که چېرې داسې ونه شي، نو بيا به په احتجاج لاس پورې کړي .

صوفي محمد دا غوښتنه هم درلوده چې د ملاکنډ په سيمه کې دې د عدالتي يا قضايي محکمو کارونه هم ودرول شي او پرځای يې دې شرعي عدالتونو ته د کار کولو اجازه ورکړل شي .

د تحريک نفاذ شريعت محمدي مشر وويل تر هغه چې شريعت نه وي پلي شوی، په سوات کې امن نه شي راتلی .