پېښه د ميرعلي ښار د سپين وام په سيمه کې د ځمکې پر سر د راپورته شوې شخړې له امله شوې ده .

د شمالي وزيرستان په ميرعلي ښار کې د ځايي قبايلو ترمنځ د راپورته شوي اخ او ډب په پايله کې نښتې شوې چې له امله يې شپږ کسان وژل ووژل شول او اووه نور سخت ټپيان شول .

ټپيان نژدې روغتون ته وړل شوي دي .

دغه نښته نن سهار (چارشنبې د اپريل ٣٠) د ميرعلي ښار په سپن وام سيمه کې د ځمکې پر سر د اپورته شوې شخړې له امله شوې ده .

ځايي خلک وايي چې د دواړو غاړو ترمنځ د درنو او سپکو وسلو په ډزو کې گڼ شمېر نژدې کورونو ته هم زيان اوښى دى .

د سيمه ييزو خلکو پروينا اوس هم د پېښې په سيمه کې د ځينو مړو او ټپيانو جسدونه پاته دي او څوک يې له سيمې ويستلو ته زړۀ نه ښه کوي .

بل پلو د خيبر ايجنسۍ د منگل باغ د مذهبي قبايلي ډلې او کوکي خېلو قبيلې ترمنځ هم نښته شوې ده .

دغه نښته چې د تيرا په يوه غرنۍ سيمه کې شوې ده سپکه او درنه وسله هم پکې کارول شوې ده .

د سيمه ييزو خلکو پروينا په دې نښته کې تراوسه پورې پنځه کسان وژل شوي او شاخوا ١١ نور ټپيان شوي دي .

دا په داسې حال کې ده چې تېره ورځ د سرحد ايالت په کوهاټ ښار کې د نامعلومو وسله والو د پوليسو پر يوه گاډي بري کړى او درې پوليس يې ترېنه وژلي دي .

په سرحد ايالت کې امنيتي چارواکو ويلي چې تېره ورځ ناوخته د پوليسو د گزمې پر مهال نامعلومو وسله والو پرې بريد بمي بريد وکړ .